Дәрілік затты қолдану жөнінде мамандарға арналған нұсқаулық. МАГНЕ-В6® ПРЕМИУМ (Қазақстан Республикасы Денсаулық сақтау министрлігі Фармация комитеті Төрағасының 2006 жылғы 14 маусымдағы № 84 бұйрығымен бекітілген)

Қазақстан Республикасы Денсаулық сақтау министрлігі

 Фармация комитеті Төрағасының 2006 жылғы

14 маусымдағы № 84 бұйрығымен

 бекітілген

Дәрілік затты қолдану жөнінде мамандарға арналған
нұсқаулық
МАГНЕ-В6® ПРЕМИУМ

Саудалық атауы

Магне-В6® премиум

Халықаралық патенттелмеген атауы

Жоқ

Дәрінің түрі

Қабықпен қапталған таблеткалар

Құрамы

Бір таблетканың құрамында

белсендi заттар: 618,43 мг сусыз магний цитраты (магнийдің 100 мг-ына барабар)

10 мг пиридоксин гидрохлориді,

қосымша заттар: сусыз лактоза, макрогол 6000, магний стеараты,

үлбірдің құрамы: гипромеллоза, макрогол 6000, титанның қос тотығы (171), тальк.

Сипаттамасы

Қабықпен қапталған, ақ түсті, тегіс, сопақша түрдегі жылтыр таблеткалар.

Фармакотерапиялық тобы

Басқа да минералдық қоспалар. Магний препараттары.

АТЖ коды А12СС30

Фармакологиялық қасиеттері

Фармакокинетикасы

Магний тұздарының асқазан-ішекте сіңуі тұздардың ерігіштігі белгілі бір рөл атқаратын енжар механизм жолымен ішінара өтеді. Бұл сіңудің мөлшері 50%-дан аспайды. Негізінен несеппен шығарылады. 

Фармакодинамикасы

Магний ең алдымен жасушаішілік катион болып табылады. Ол  нейрондардың қозуын және жүйке-бұлшық ет берілісін  төмендетеді, көптеген ферментативтік үрдістерге қатысады. Магний тіндердің маңызды құрамдасы болып табылады: қаңқаның құрамында магнийдің организмдегі жартысы бар.

Магнийдің сарысудағы деңгейлері:

- 12 мен 17 мг/л (1,0-1,4 мЭкв/л немесе 0,5-0,7 ммоль/л) арасында: магнийдің орташа тапшылығын көрсетеді;

- 12 мг/л (1,0 мЭкв/л немесе 0,5 ммоль/л) төмен: магнийдің ауыр тапшылығын көрсетеді.

Тапшылық мыналардан болуы мүмкін:

- зат алмасуының туа біткен аномалиясына байланысты бірінші (туа біткен созылмалы гипомагниемия),

- сырттан барабар емес түсуге (тоя тамақ ішпеу, алкоголизм, теңгерілмеген емдәм, тек қана парентеральды тамақтану), сіңірілудің бұзылуларына (созылмалы іш өту, асқазан-ішек жыланкөзі, гипопаратиреоз) немесе бүйрек деңгейіндегі басы артық шығындалуға (өзектер ауруы, ауыр полиурия, диуретиктерді теріс пайдалану, созылмалы  пиелонефрит, алғашқы гиперальдостеронизм, цисплатинмен емдеу) байланысты екінші болуы мүмкін.

Қолданылуы