Дәрілік затты қолдану жөніндегі мамандарға арналған нұсқаулық. АЛФЛУТОП® (Қазақстан Республикасы денсаулық сақтау Министрлігі фармация Комитеті төрағасының 2008 жылғы 6 наурыздағы № 42 бұйрығымен бекітілген)

Қазақстан Республикасы денсаулық

сақтау Министрлігі фармация

Комитетi төрағасының 2008 жылғы

6 наурыздағы № 42 бұйрығымен

бекітілген

Дәрілік затты қолдану жөніндегі мамандарға арналған
нұсқаулық
 
АЛФЛУТОП®

Саудалық атауы

АЛФЛУТОП®

Халықаралық патенттелмеген атауы

Жоқ

Дәрілік түрі

1% гель

Құрамы

1 г гельдің құрамында

белсендi зат - биобелсенді теңіз организмдерінің концентраты 10 мг,

қосалқы заттар: розмарин майы, натрий гидроксиды, еріткіш, пропиленгликоль, имидмочевина, нипагин, нипасол, тұрақтауыш, дистилденген су.

Сипаттамасы

Ақ-сарғыш түсті күнгірт гель, хош иісті

Фармакотерапевтік тобы

Сүйек-бұлшық ет жүйесінің ауруларын емдеуге арналған басқа препараттар.

АТЖ коды  M09AX

Фармакологиялық қасиеттері

Фармакокинетикасы

Теңіз организмдері сіріндісінің әсері оның белсенді құрамдас бөліктерінің біріккен әсері болып табылады, сондықтан фармакокинетикалық сипаттамаларын зерттеу мүмкін емес.

Фармакодинамикасы

Алфлутоп -гликозаминогликандардан (гиалурон қышқылы, хондроитин-6-сульфат, хондроитин-4-сульфат, дерматан сульфат, кератан сульфат; аминоқышқылдар), молекулалық салмағы 50 000 дальтон полипептидтерден және макро- және микроэлементтерден (натрий, калий, кальций, магний, темір, мыс, мырыш) тұратын теңіз организмдерінің еріткінінен тұратын хондропротекторлар.

Препарат шеміршек тініндегі зат алмасуды реттейді: гиалуронидаза мен басқа ферменттердің белсенділігін басу арқылы  хондропротекторлық әсер етеді және гиалурон қышқылы мен коллаген II биосинтезін  қалпына келтіреді.

Алфлутоп буындағы гомеостазды қалыпқа келтіреді, қабынуға қарсы цитокиндерді қоса, қабыну медиаторларының биосинтезін тежейді.