Қазақстан Республикасы

Денсаулық сақтау министрлігі

Фармация комитеті Төрағасының

2008 жылғы 13 мамырдағы

№ 111 бұйрығымен

Бекітілген

Дәрілік затты қолдану жөнінде
мамандарға арналған
НҰСҚАУЛЫҚ
АМИЗОН

Саудалық атауы

Амизон

Халықаралық патенттелмеген атауы

Амизон

Дәрілік түрі

0,25 г таблеткалар

Құрамы

Бір таблетканың құрамында

белсенді зат - амизон 0,25 г,

қосымша заттар: лактоза моногидраты, микрокристаллдық целлюлоза 101, повидон (поливинилпирролидон төменмолекулярлы), кальций стеараты, натрий кроскармелозасы.

Сипаттамасы

Дөңгелек пішінді, беті жалпақ, сызығы мен ойығы бар, сары немесе жасыл-сары түсті таблеткалар. Таблеткалардың бетінде аздаған дақтары болуы мүмкін

Фармакотерапиялық тобы

Вирустарға қарсы тікелей әсер ететін дәрілер.

ATЖ коды J05A

Фармакологиялық қасиеттері

Фармакокинетикасы

Ішу арқылы қабылдағаннан кейін Амизон қанға жылдам түседі, оның қандағы ең жоғары концентрациясы қолданғаннан кейін 2-2,5 сағаттан соң байқалады. Амизон және оның метаболиттері қан ағымында ұзақ айналады (жартылай шығарылу кезеңі 13,5-14 сағатты құрайды), бірақ тіндерден жылдам шығарылады (жартылай шығарылу кезеңі 2-3 сағатты құрайды). 90-95 % несеппен метаболиттер түрінде шығарылады.

Фармакодинамикасы

Амизон - изоникотин қышқылының туындысы, вирустарға қарсы дәрілер. А түріндегі тұмау вирустарына тежегіш әсер етеді, интерфероногендік қасиеттері бар, организмнің вирустық жұқпаларға деген төзімділігін арттырады, қабынуға қарсы, ыстықты түсіретін және ауыруды басатын әсерлерді жүзеге асырады.