«Ұйымдардың тауарларды, жұмыстарды және қызметтерді сатып алудағы қазақстандық қамту бойынша ақпарат беру нысандарын бекіту туралы» Қазақстан Республикасы Индустрия және сауда министрінің 2009 жылғы 21 мамырдағы № 132 Бұйрығы (күші жойылды)

Ұйымдардың тауарларды, жұмыстарды және қызметтерді сатып алудағы
қазақстандық қамту бойынша ақпарат беру нысандарын бекіту туралы
Қазақстан Республикасы Индустрия және сауда министрінің 2009 жылғы 21 мамырдағы № 132 Бұйрығы

ҚР Индустрия және жаңа технологиялар министрінің м.а. 2010 жылғы 21 мамырдағы № 81 Бұйрығымен күші жойылды

«Ұйымдар мен мемлекеттік органдар сатып алатын тауарларды, жұмыстарды және қызметтерді сатып алу кезінде қазақстандық қамтудың кейбір мәселелері туралы» Қазақстан Республикасы Президентінің 2009 жылғы 27 қаңтардағы № 733 Жарлығына сәйкес БҰЙЫРАМЫН:

1. Қоса беріліп отырған Ұйымдармен тауарларды, жұмыстарды және қызметтерді сатып алудағы қазақстандық қамту бойынша ақпарат берудің мына нысандары бекітілсін:

1) 1-нысан «Тауарларды, жұмыстарды және қызметтерді сатып алу кезінде қазақстандық қамту бойынша ақпарат»;

2) 2-нысан «Тауарларды, жұмыстарды және қызметтерді сатып алу кезінде қазақстандық қамту бойынша ақпарат»;

3) 3-нысан «Келесі жылға жоспарланып отырған тауарларды, жұмыстарды және қызметтерді сатып алу туралы ақпарат»;

1-нысан облыстардың (республикалық маңызы бар қаланың, астананың) жергілікті атқарушы органдарымен;

2-нысан ұлттық басқарушы холдинг, ұлттық холдингтер, ұлттық компаниялар, олардың еншілес және аффилиирленген компанияларымен, (жер қойнауын пайдаланушыларды қоспағанда) толтырылады;

3-нысан:

1) облыстардың (республикалық маңызы бар қаланың, астананың) жергілікті атқарушы органдарымен;

2) ұлттық басқарушы холдинг, ұлттық холдингтер, ұлттық компаниялар, олардың еншілес және аффилиирленген компанияларымен (жер қойнауын пайдаланушыларды қоспағанда) толтырылады.

2. Қазақстан Республикасы Индустрия және сауда министрлігіне қазақстандық қамту бойынша ақпаратты қағаз және электрондық тасымалдағыштарда:

1) 1-нысан бойынша облыстардың (республикалық маңызы бар қаланың, астананың) жергілікті атқарушы органдары - Қазақстан Республикасы Үкіметі бекіткен тізбе бойынша қазақстандық қамтудың мониторингіне жататын тауарларды, жұмыстарды және қызметтерді сатып алатын ұйымдар;