«Бейсалык төлөмдөр жөнүндө» Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу» Кыргыз Республикасынын Мыйзамы Долбоор (2009-жылдын 25-майы)

Долбоор

Кыргыз Республикасынын Мыйзамы

«Бейсалык төлөмдөр жөнүндө» Кыргыз Республикасынын

Мыйзамына өзгөртүүлөрдү жана толуктоолорду киргизүү тууралуу

(2009-жылдын 25-майы)

КР Өкмөтүнүн 2009-жылдын 25-майындагы № 320 токтому менен жактырылган жана КР Жогорку Кеңешинин кароосуна киргизилген

1-берене. «Бейсалык төлөмдөр жөнүндө» Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 1994-ж., № 5, 157-берене) төмөнкүдөй өзгөртүүлөр жана толуктоолор киргизилсин:

1. 17-беренеде:

- аталышы төмөнкүдөй редакцияда берилсин:

«17-берене. Тамгалоо төлөмү»;

- биринчи жана экинчи бөлүктөр төмөнкүдөй редакцияда берилсин:

«Тамгалоо төлөмү ички өндүрүштөгү, ошондой эле республикага сатып өткөрүү үчүн алынып келинүүчү кымбат баалуу металлдардан жана асыл таштардан жасалган зергер, тиричилик буюмдарына белги коюу, текшерүү жана эн салуу, тамгалоо эн издерин техникалык экспертизалоо, кымбат баалуу металл кошулган буюмдарды жана материалдарды экспертизалоо жана башка лабораториялык иштер үчүн алынат.