Дәрілік заттың медицинада қолданылуы жөнінде нұсқаулық СТРАТТЕРА STRATTERA (Қазақстан Республикасы Денсаулық сақтау министрлігі Фармация комитеті Төрағасының 2006 жылғы 25 желтоқсандағы № 192 бұйрығымен Бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2006 жылғы 25 желтоқсандағы

№ 192 бұйрығымен

Бекітілген

Дәрілік заттың медицинада
қолданылуы жөнінде
нұсқаулық
 
СТРАТТЕРА
STRATTERA

Саудалық атауы

СтраттераÒ

Халықаралық патенттелмеген атауы

Атомоксетин

Дәрілік түрі

10 мг, 18 мг, 25 мг, 40 мг, 60 мг капсулалар

Құрамы

Бір капсуланың құрамында:

белсенді зат - 10 мг, 18 мг, 25 мг, 40 мг немесе 60 мг атомоксетинге барабар атомоксетин гидрохлориді,

қосымша заттар: диметикон, желатинделген крахмал,

капсула қабығы: титан қостотығы, натрий лаурилсульфаты, желатин, темірдің сары оксиді бояғыш заты (тек 18 мг және 60 мг капсулалар үшін), индигокармин бояғыш заты (тек 25 мг, 40 мг және 60 мг капсулалар үшін).

Сипаттамасы

10 мг капсулалар: ақ қақпағы бар ақ түсті қатты желатинді капсулалар (3-өлшемді), оларға «10 mg» және «Lilly 3227» деген жазу жазылған;

18 мг капсулалар: сары қақпағы бар ақ түсті қатты желатинді капсулалар (3- өлшемді), оларға «18 mg» және «Lilly 3238» деген жазу жазылған;

25 мг капсулалар: көк қақпағы бар ақ түсті қатты желатинді капсулалар (3- өлшемді), оларға «25 mg» және «Lilly 3228» деген жазу жазылған;

40 мг капсулалар: көк қақпағы бар көк түсті қатты желатинді капсулалар (3-өлшемді), оларға «40 mg» және «Lilly 3229» деген жазу жазылған;

60 мг капсулалар: көк қақпағы бар жасыл түсті қатты желатинді капсулалар (2-өлшемді), оларға «60 mg» және «Lilly 3239» деген жазу жазылған.

Барлық капсуланың ішіндегі зат: ақ түсті ұнтақ.

Фармакотерапиялық тобы

Орталықтан әсер ететін симпатомиметикалық дәрі

АТЖ коды N06ВА9

Фармакологиялық қасиеттері

Фармакокинетикасы

6 жастан асқан балалар мен жасөспірімдердегі фармакокинетикасы ересектердегі фармакокинетикаға ұқсас. Атомоксетиннің фармакокинетикасы 6 жасқа дейінгі балаларда зерттелген жоқ.

Сіңуі Атомоксетин ішке қабылданғаннан кейін тез және толық дерліктей сіңіп, шамамен 1-2 сағаттан кейін қан плазмасында ең жоғары концентрацияға (С_мах) жетеді. Атомоксетиннің биожетімділігі метаболизмнің жекелей ерекшелігіне байланысты 63% - 94% құрайды. Атомоксетин тамақтануға байланыссыз немесе тамақтану кезінде тағайындалады.