«Алматы облысының әкімшілік шекарасындағы Балқаш, Алакөл көлінің, Қапшағай су қоймасының, Іле өзенінің, 2 - су электр станциясының, 3 - су электр станциясының, 4 - су электр станциясының құрылысын Қаратал өзенінің учаскелерінде су қорғау аймақтары мен белдеулерін белгілеу және оларды шаруашылыққа пайдалану режимі туралы» Алматы облысы әкімдігінің 2009 жылғы 12 мамырдағы № 93 қаулысы (2013.31.12. берілген өзгерістер мен толықтырулармен)

Алматы облысының әкімшілік шекарасындағы Балқаш, Алакөл көлінің, Қапшағай су қоймасының, Іле өзенінің, 2 - су электр станциясының, 3 - су электр станциясының, 4 - су электр станциясының құрылысын Қаратал өзенінің учаскелерінде су қорғау аймақтары мен белдеулерін белгілеу және оларды шаруашылыққа пайдалану режимі туралы
Алматы облысы әкімдігінің 2009 жылғы 12 мамырдағы № 93 қаулысы

(2013.31.12. берілген өзгерістер мен толықтырулармен)

Қазақстан Республикасының Су Кодексінің 39, 116 баптарына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 27 бабына, Қазақстан Республикасы Үкіметінің 2004 жылғы 16 қаңтардағы «Су қорғау аймақтары мен белдеулерін орнату Ережесін бекіту туралы» № 42 қаулысына сәйкес, су объектілерін санитарлық-гигиеналық және экологиялық талаптарға сәйкес ұстау үшін, жер үсті суларының ластануын, қоқыстануының және сарқылуының алдын алу үшін, сонымен бірге жануарлар мен өсімдіктер әлемін сақтау мақсатында Алматы облысының әкімдігі ҚАУЛЫ ЕТЕДІ:

Алматы облысы әкімдігінің 2013.31.12. № 438 Қаулысымен 1-тармақ өзгертілді (бұр.ред.қара)

1. Бекітілген жобаларға сәйкес, су объектілерінің су қорғау аймақтары мен белдеулері белгіленсін:

1) Балқаш көлінің су қорғау аймақтары мен белдеулерін белгілеу жөніндегі жұмыс жобасы;

2) Алакөл көлінің су қорғау аймақтары мен белдеулері белгілеу жөніндегі жұмыс жобасы;

3) Қапшағай су қоймасының су қорғау аймақтары мен белдеулерін белгілеу жөніндегі жұмыс жобасы;

4) Іле өзенінің су қорғау аймақтары мен белдеулерін белгілеу жөніндегі жұмыс жобасы;

5) Алматы облысындағы 2-су электр станциясының, 3-су электр станциясының, 4-су электр станциясының құрылысын Қаратал өзенінің учаскелерінде су қорғау аймақтары мен белдеулердің жобасы.

6) Балқаш жылу-электростанциясы Үлкен ауылының аймағына Балқаш көлінің шекарасындағы жер учаскесін су қорғау аймақтары мен белдеулерін белгілеу жөніндегі жұмыс жобасы.