«Қазақстан Республикасына өкпе ауруы түріндегі обаның әкелінуін және таралуын болдырмау бойынша алдын алу және індетке қарсы іс-шараларды жүргізу туралы» Қазақстан Республикасының Денсаулық сақтау министрлігі мемлекеттік санитарлық бас дәрігерінің 2009 жылғы 3 тамыздағы № 12 Қаулысы

Қазақстан Республикасына өкпе ауруы түріндегі обаның әкелінуін және таралуын болдырмау бойынша алдын алу және індетке қарсы іс-шараларды жүргізу туралы
Қазақстан Республикасының Денсаулық сақтау министрлігі мемлекеттік санитарлық Бас дәрігерінің
2009 жылғы 3 тамыздағы № 12 Қаулысы

Қытай Халық Республикасының (бұдан әрі - ҚХР) аумағындағы өкпе ауруы түріндегі оба бойынша күрделі індеттік жағдайға байланысты және Қазақстан Республикасының аумағына жұқпаның әкелінуін және оның таралуын ескерту мақсатында ҚАУЛЫ ЕТЕМІН:

1. Облыстардың, Астана және Алматы қалалары денсаулық сақтау басқармаларының (келісім бойынша), облыстардың, Астана және Алматы қалалары, көліктегі мемлекеттік санитарлық-эпидемиологиялық қадағалау департаменттерінің басшылары:

1) санитарлық-эпидемиологиялық қызмет органдары мен ұйымдарының санитарлық-індетке қарсы (алдын алу) іс-шараларды өткізуге, халық арасында өкпе ауруы түріндегі обаның пайда болуын және таралуын ескерту бойынша кешенді және жедел жоспарларды түзетуге дайындығын;

2) қызу өлшеуге арналған жабдықтың, жеке қорғаныш құралдары мен  дезинфектанттардың барлығына ерекше назар аудара отырып, әуе, темір жол және автомобиль көлігіндегі санитарлық-карантиндік пункттердің дайындығын;

3) ҚХР-дан әуе, темір жол және автомобиль көлігімен келген жолаушылардың денсаулық жағдайларына қызуы көтерілген, лимфаденит және өкпенің қабыну белгілері бар тұлғалар анықталған жағдайда санитарлық-індетке қарсы (алдын алу) іс-шараларды қолдана отырып бақылауды күшейтуді;

4) өкпе ауруы түріндегі обаға күдігі бар науқас анықталған жағдайда, оларды уақтылы ауруханаға жатқызу және емдеу үшін емдеу-алдын алу ұйымдарының дайындығын;

5) анықталған науқастарды емдеу үшін резервтік қатардағы дәрілік заттардың, антибиотиктердің, өкпе ауруы түріндегі оба ауруына күдік пайда болған жағдайда материалды зертханалық зерттеуге арналған шығыс материалдары мен мүкәммалдың, қорғаныш киімдер жинағының қажетті қорымен;