«Прокурордың облыстық сотының қадағалау алқасының қаулысын бұзып, бірінші және апелляциялық сатыдағы сот шешімдерін күшінде қалдыру туралы қадағалау арызының қанағаттандырылуы туралы» Қазақстан Республикасы Жоғарғы Сотының қадағалау алқасының 2008 жылғы 16 сәуірдегі № 4гп-77-08 Қаулысынан үзінді

Прокурордың облыстық сотының қадағалау алқасының қаулысын бұзып, бірінші және апелляциялық сатыдағы сот шешімдерін күшінде қалдыру туралы қадағалау арызының қанағаттандырылуы туралы
Қазақстан Республикасы Жоғарғы Сотының қадағалау алқасының 2008 жылғы 16 сәуірдегі № 4гп-77-08 Қаулысынан үзінді

Қазақстан Республикасы Жоғарғы Сотының қадағалау алқасы прокурордың қатысуымен өткен ашық сот отырысында талапкер А., К., С. және нотариус С. тұрғын үйді сатып алу-сату келісім-шартын жарамсыз деп танып, 750 000 теңге моральдық зиянды өндіру туралы талап арызы бойынша қабылданған Жамбыл облыстық сотының қадағалау алқасының 2007 жылғы 4 желтоқсандағы қаулысына талапкердің және оның өкілі Р. келтірген қадағалау шағымын қарап,

АНЫҚТАҒАНЫ:

А. жоғарыда аталған талап арызында К. оның анасы О. алдап, анасымен тұрып жатқан үйдің жерінде мешіт саламын, соның жанынан қызын Т. үй салып беремін, сол мешітте ол жұмыс істейді деп алдап, үйді сатуға құқығын беретін сенімхатын алып, үйді өзінің қызы С. атына аударып жіберген. Талапкердің анасы О. соны естіген соң К. берген сенімхаттың күшін жойып, өзінің қызы Т. сенімхат беріп, үйді қайтармақшы болып, аталған мәмілені жарамсыз деп тану туралы сотқа талап арыз берген. Алайда, арыз бергеннен кейін О. осы күйзеліске байланысты үш күн өткен соң қайтыс болып, үйін қайтара алмай қалған. Ал С. 2006 жылдың тамыз айында А. үйден сотарқылы шығармақ болған. Талапкер аталған жағдайларға сүйеніп, сенімхат К. алдау ықпалымен берілгөндіктен, үйді сатып алу-сату келісім-шартын жарамсыз деп тануды және үйін жауапкер заңсыз иеленіп алғаны үшін 750 000 теңге моральдық залалды өндіруді сұрап сотқа талап арыз түсірген.