«Қазақстан Республикасы Үкіметінің 2008 жылғы 18 желтоқсандағы № 1184 қаулысына өзгерістер енгізу туралы» Қазақстан Республикасы Үкіметінің 2009 жылғы 11 қыркүйектегі № 1355 Қаулысы

Қазақстан Республикасы Үкіметінің 2008 жылғы 18 желтоқсандағы № 1184 қаулысына өзгерістер енгізу туралы
Қазақстан Республикасы Үкіметінің 2009 жылғы 11 қыркүйектегі № 1355 Қаулысы

Қазақстан Республикасының Үкіметі ҚАУЛЫ ЕТЕДІ:

1. «2009 - 2011 жылдарға арналған республикалық бюджет туралы» Қазақстан Республикасының Заңын іске асыру туралы» Қазақстан Республикасы Үкіметінің 2008 жылғы 18 желтоқсандағы № 1184 қаулысына мынадай өзгерістер енгізілсін:

көрсетілген қаулыға 1-қосымшада:

12 «Көлік және коммуникация» деген функционалдық топта:

215 «Қазақстан Республикасы Көлік және коммуникация министрлігі» деген әкімші бойынша:

002 «Республикалық деңгейде автомобиль жолдарын дамыту» деген бағдарламада:

016 «Республикалық бюджеттен сыртқы қарыздарды бірлесіп қаржыландыру есебінен» деген кіші бағдарламада:

3-бағанда:

«Атырау-Ақтау автожолының «Қарабатан-Бейнеу» учаскесін қайта жаңарту» деген жолда «5 976 800» деген сандар «5 967 327» деген сандармен ауыстырылсын;

«Астана-Алматы» автожолын қайта жаңарту» деген жолда «93 000» деген сандар «102 473» деген сандармен ауыстырылсын.

2. Осы қаулы қол қойылған күнінен бастап қолданысқа енгізіледі.