Қазақстан Республикасы Қаржы Министрілігінің Салық комитетінің 2009 жылғы 14 мамырдағы № НК-13-24/4491 Хаты

Қазақстан Республикасы Қаржы Министрілігінің Салық комитетінің 2009 жылғы 14 мамырдағы
№ НК-13-24/4491 Хаты

Қазақстан Республикасы Каржы министрлігінің Салық комитеті 2009 жылдың 1 қаңтарынан бастап «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасы Кодексінің (Салық кодексі) қолданысқа енгізілуіне және резидент еместің төлем көзінен салынатын корпорациялық (жеке) табыс салығының артық төленген немесе қате төленген сомаларын есепке жатқызуға қатысты келіп түсіп жатқан сұрақтарға байланысты, мынаған түсінік береді.

Салық кодексінің 599-бабы 2-тармағына сәйкес өткен салық кезеңдеріндегі салықтың, төлемақының, өсімпұлдың осы түрі бойынша есеп-кисаптар ескеріле отырып, салықтың, төлемақының, өсімпұлдың салық кезеңінде бюджетке төленген (есепке жатқызылған және қайтарылған сомаларды есепке ала отырып) және есептелген, есепке жазылған (кемітуді есепке ала отырып) сомалары арасындағы оң айырма артық төленген салық, төлемақы, өсімпұл сомасы болып танылады.

Салық кодексінің 601-бабы 4-тармағына сәйкес аудару кезінде мынадай қателердің кез келгені жіберілген:

1) төлем құжатында:

салық төлеушінің (салық агентінің) сәйкестендіру нөмірі дұрыс көрсетілмеген;

салық органының сәйкестендіру нөмірі дұрыс көрсетілмеген;

төлемнің мәтіндік мақсаты төлем мақсатының кодына және (немесе) кірістердің бюджеттік сыныптамасының кодына сәйкес келмеген;

2) банк немесе банк операцияларының жекелеген түрлерін жүзеге асыратын ұйым салық төлеушінің (салық агентінің) төлем құжатын қате орындаған;