Дәрілік заттың медицинада қолданылуы жөніндегі нұсқаулық ЭНАТ 400 (Қазақстан Республикасы Денсаулық сақтау министрлігі Фармация комитеті Төрағасының 2008 жылғы 24 қарашадағы № 297 бұйрығымен Бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2008 жылғы 24 қарашадағы

№ 297 бұйрығымен

Бекітілген

Дәрілік заттың медицинада қолданылуы жөніндегі нұсқаулық
ЭНАТ 400

Саудалық атауы

Энат 400

Халықаралық патенттелмеген атауы

Токоферол

Дәрілік түрі

400 ХБ капсулалар

Құрамы

Бір капсуланың құрамында

белсенді зат - 400 ХБ d-альфа токоферол ацетаты түріндегі Е витамині,

қосымша заттар: соя майы,

капсуланың құрамы: желатин, глицерин, тазартылған су.

Фармакотерапиялық тобы

Виаминдер. Басқадай витаминдер. Токоферол.

АТЖ коды   А11НА03

Фармакологиялық қасиеттері

Фармакокинетикасы

Ішке қабылдаған кезде токоферолдың сіңуі 50% болады,  сіңу барысында липопротеиндермен жиынтық (токоферолдың жасушаішілік тасымалдаушылары) түзеді. Сіңуі үшін құрамында өт қышқылдары болуы керек. Альфа₁- және бета-липопротеиндермен, ішінара сарысу альбуминдерімен байланысады. Ақуыз алмасуы бұзылған кезде тасымалдау қиындайды. Қан плазмасындағы ең жоғары қанығу деңгейіне (Сmax) 4 сағаттан соң жетеді. Бүйрекүсті бездерінде, гипофизде, аталық ұрықта, май жіне бұлшық ет тіндерінде, эритроциттерде, бауырда қорға жиналады.  90%-дан астамы өтпен бірге, 6%-ы бүйректер арқылы шығарылады.

Фармакодинамикасы

Энат 400 антиоксидантты әсер етеді, гемнің және ақуыздардың гемосинтезіне, жасушалардың пролиферациясына, тіндік тыныс алуға, тіндік метаболизмнің басқа да маңызды үдерістеріне қатысады, эритроциттердің гемолизіне жол бермейді, қылтамырлардың жоғары өткізгіштігіне және жарылуына кедергі жасайды.

Қолданылуы

-         Е гиповитаминозына

-         қызба синдромымен өткен аурудан кейін реконвалесценция жағдайында

-         дене жүктемесі жоғары болғанда

-         егде жаста

-         байлам аппараттарының (оның ішінде омыртқа санының), буындар мен бұлшық еттердің дегенеративті және пролиферативті өзгерулерінде, бұлшықеттің алғашқы дистрофиясында, жарақаттан кейінгі, жұқпадан кейінгі екіншілік миопатияда

-         ревматоидты артритте