Дәрілік затты қолдану жөнінде мамандарға арналған нұсқаулық «Цефлокс-250/500» «Ципрофлоксацин» (Қазақстан Республикасы Денсаулық сақтау министрлігі Фармация комитеті Төрағасының 2006 жылғы 30 қазандағы № 153 бұйрығымен Бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2006 жылғы 30 қазандағы

№ 153 бұйрығымен

бекітілген

Дәрілік затты қолдану жөнінде мамандарға арналған нұсқаулық
Цефлокс-250/500

Саудалық атауы

Цефлокс-250

Цефлокс-500

Халықаралық патенттелмеген атауы

Ципрофлоксацин

Дәрілік түрі

Үлбірлі қабықпен қапталған 250 мг, 500 мг таблеткалар

Құрамы

Цефлокс-250 бір таблеткасының құрамында

белсенді зат - 250 мг ципрофлоксацинге барабар ципрофлоксацин гидрохлориді,

қосымша заттар: жүгері крахмалы, микрокристалдық целлюлоза, тазартылған су, тазартылған тальк, магний стеараты, коллоидтық кремний диоксиді, натрий кросскармеллозасы,

қабықтың құрамы: гидроксипропилметилцеллюлоза, тазартылған тальк, полиэтиленгликоль-400,  пропиленгликоль,  титан диоксиді, тазартылған су.

Цефлокс-500 бір таблеткасының құрамында

белсенді зат - 500 мг ципрофлоксацинге барабар ципрофлоксацин гидрохлориді,

қосымша заттар: натрий крахмал гликоллаты, тазартылған су, тазартылған тальк, магний стеараты, коллоидтық кремний диоксиді, микрокристалдық целлюлоза,

қабықтың құрамы: гидроксипропилметилцеллюлоза, тазартылған тальк, полиэтиленгликоль - 400,  пропиленгликоль, титан диоксиді, тазартылған су.

Сипаттамасы

Цефлокс-250: дөңгелек, екі жағы дөңес, ақ түсті, үлбірлі қабықпен қапталған, екі жағында бөлетін сызығы бар таблеткалар

Цефлокс-500: сопақша, екі жағы дөңес, ақ түсті, үлбірлі қабықпен қапталған, бір жақ бетінде бөлетін сызығы бар таблеткалар.

Фармакотерапиялық тобы

Жүйелік әсер ететін антибактериялық препараттар. Фторхинолондар.

АТЖ коды J01МА02

Фармакологиялық қасиеттері

Фармакокинетикасы

Сіңуі: ішке қабылданғаннан кейін ципрофлоксацин асқазан-ішек жолынан оңай сіңеді. Толық биожетімділігі шамамен 70%-ды құрайды, «алғашқы өту» метаболизмінде айтарлықтай жоғалусыз. Ішке қабылдағаннан кейін 1-2 сағаттан соң  ең жоғары шектегі концентрацияға  жетеді.