Дәрілік заттың медицинада қолданылуы жөніндегі нұсқаулық «Цефотаксим натрий тұзы» (Қазақстан Республикасы Денсаулық сақтау министрлігі Фармацевтикалық бақылау комитеті Төрағасының 2008 жылғы 26 қарашадағы № 304 бұйрығымен бекітілген)

Қазақстан Республикасы

Денсаулық сақтау министрлігі

Фармацевтикалық бақылау

комитеті Төрағасының

2008 жылғы 26 қарашадағы

№ 304 бұйрығымен

бекітілген

Дәрілік заттың медицинада қолданылуы жөніндегі нұсқаулық
Цефотаксим натрий тұзы

Саудалық атауы

Цефотаксимнің натрий тұзы

Халықаралық патенттелмеген атауы 

Цефотаксим

Дәрілік түрі

Инъекция үшін ерітінді дайындауға арналған 1,0 г ұнтақ, құтыда.

Құрамы

Цефотаксимнің натрий тұзы 1,0 г белсенді затқа шаққанда

Сипаттамасы

Ақ түстен аздап сарғыштау түске дейінгі ұнтақ

Фармакотерапиялық тобы

Басқадай бета - лактамды антибиотиктер. Цефалоспориндер.

АТЖ коды  J01DA10

Фармакологиялық қасиеттері 

Фармакокинетикасы

Бұлшықет ішіне енгізгеннен кейін қан плазмасындағы ең жоғары  концентрациясы  0,5 сағаттан соң анықталады  және 21 мкг/мл-ні құрайды. Қан плазмасының ақуыздармен байланысуы 25-40% құрайды. Препарат организмнің тіндеріне (миокардқа, сүйек тініне, өт қабына, теріге, жұмсақ тіндерге) және сұйықтықтарға (плевральді, перитонеальді, перикардиальді, буын) жақсы өтеді. Бұлшықет ішіне енгізгенде жартылай шығарылу кезеңі   1-1,5 сағатты құрайды.

Бүйрек арқылы -  20-36 % өзгермеген түрде және 15-25 %- белсенді  метаболиттер түрінде шығарылады.  Созылмалы бүйрек жеткіліксіздігінде және егде адамдарда жартылай шығарылу кезеңі 2 есе ұзарады. 

Емшек сүті арқылы шығарылады.

Фармакодинамикасы

Цефотаксим парентеральді енгізуге арналған III буындағы цефалоспориндік антибиотигі болып табылады. Микроорганизмнің жасушалық қабырғасының синтезін бұза отырып, бактерицидті әсер етеді.

Микробтарға қарсы әсер ауқымы кең.

Басқа  антибиотиктерге төзімді грамоң және грамтеріс микроорганизмдерге: Staphylococcus spp. (оның ішінде пенициллиназа түзетін штаммдарды қоса, Staphylococcus aureus),