Дәрілік затты қолдану жөнінде мамандарға арналған нұсқаулық «Цефтазидим-акос» (Қазақстан Республикасы Денсаулық сақтау министрлігі Фармация комитеті Төрағасының 2006 жылғы 26 маусымдағы № 144 бұйрығымен бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2006 жылғы 26 маусымдағы

№ 144 бұйрығымен

Бекітілген

Дәрілік затты қолдану жөнінде мамандарға арналған нұсқаулық
Цефтазидим-акос

Препараттың саудалық атауы

Цефтазидим-АКОС

Препараттың халықаралық атауы

Цефтазидим

Дәрілік түрі

Инъекция үшін ерітінді дайындауға арналған 1,0 г және 2,0 г ұнтақ.

Құрамы

белсенді заты - 1,0 г және 2,0 г цефтазидим пентагидратының натрий карбонаты бар (цефтазидимге шаққанда).

Сипаттамасы

Ақ немесе сарғыш-ақшыл қоңыр реңді ақ ұнтақ.

Фармакотерапиялық тобы

Басқадай бета-лактамдық антибиотиктер. Цефалоспориндер

АТЖ коды J01DA11

Фармакологиялық қасиеттері

Фармакокинетикасы

Енгізгеннен кейін препарат адам организмінде жылдам тарайды және синовиальдық, перикардиальдық және перитонеальдық сұйықтықтарды қоса көптеген тіндер мен сұйықтықтарда, сондай-ақ өт пен қақырықта және несепте емдік концентрациясына жетеді. Сонымен бірге, әсіресе препарат диффузиясын күшейтетін қабыну процестерінде сүйектерде, миокардта, өт қабында, тері мен жұмсақ тіндерде жұқпалы ауруларды емдеу үшін жеткілікті концентрацияларда таралады. Зақымданбаған гематоэнцефальдық кедергіден өтеді.

Плазма белоктарымен қайтымды (15% аз) байланысады, тек бос күйінде ғана бактерицидтік әсерге ие. Белоктармен байланысу дәрежесі концентрациясына тәуелді емес. Бұлшықетке 0,5 г немесе 1 г мөлшерін енгізгенде ең жоғарғы концентрациясына бір сағат өткенде жетіп, тиісінше 17 мкг/мл және 39 мкг/мл тең, көктамырға енгізгенде тиісінше 6-8 сағат өткенде 42 мкг/мл және 69 мкг/мл тең.

Қан плазмасындағы терапиялық концентрациясы 8-12 сағат ішінде сақталады. Бүйрек қызметі қалыпты кезінде жартылай шығарылу кезеңі - 1,8-2 сағат, бүйрек қызметі бұзылғанда 2,2 сағат.