«Бірлескен қазақстан-ресей демаркациялық комиссиясындағы Қазақстан Республикасы үкіметтік делегациясын Мәскеу қаласына (Ресей Федерациясы) іссапарға жіберу туралы» Қазақстан Республикасы Үкіметінің 2009 жылғы 23 қаңтардағы № 43 Қаулысы

Бірлескен қазақстан-ресей демаркациялық комиссиясындағы Қазақстан Республикасы үкіметтік делегациясын Мәскеу қаласына (Ресей Федерациясы) іссапарға жіберу туралы
Қазақстан Республикасы Үкіметінің 2009 жылғы 23 қаңтардағы № 43 Қаулысы

«Орталық және жергілікті мемлекеттік органдарда, холдингтерде, ұлттық компанияларда, әлеуметтік-кәсіпкерлік корпорацияларда әкімшілік шығыстарды қысқарту жөніндегі шаралар туралы» Қазақстан Республикасы Президентінің 2008 жылғы 30 желтоқсандағы № 289 өкіміне сәйкес және 2009 жылғы 26 - 30 қаңтар кезеңінде Мәскеу қаласында (Ресей Федерациясы) Бірлескен қазақстан-ресей демаркациялық комиссиясындағы Қазақстан Республикасының үкіметтік делегациясы кезекті отырысының өткізілуіне байланысты Қазақстан Республикасының Үкіметі ҚАУЛЫ ЕТЕДІ:

1. Бірлескен қазақстан-ресей демаркациялық комиссиясындағы Қазақстан Республикасы үкіметтік делегациясы осы қаулыға қосымшаға сәйкес құрамда:

2009 жылғы 25 — 31 қаңтар кезеңіне Алматы — Мәскеу - Алматы, Астана - Мәскеу - Астана, Атырау - Мәскеу - Атырау, Ақтөбе - Орынбор - Мәскеу - Ақтөбе бағыттары бойынша;

2009 жылғы 24-31 қаңтар кезеңіне Орал - Мәскеу - Орал бағыты бойынша Мәскеу қаласына (Ресей Федерациясы) іссапарға жіберілсін.

2. Қазақстан Республикасы Сыртқы істер министрлігі Бірлескен қазақстан-ресей демаркациялық комиссиясындағы Қазақстан Республикасы үкіметтік делегациясының мүшелеріне 2009 жылға арналған республикалық бюджетте 003 «Мемлекеттік шекараны делимитациялау және демаркациялау» бағдарламасы бойынша көзделген қаражат есебінен қонақ үйде тұруға, тәуліктік және көліктік шығыстарға толық көлемде валюталық қаражат бөлсін.

3. Осы қаулы қол қойылған күнінен бастап қолданысқа енгізіледі.

Қазақстан Республикасы

Үкіметінің

2009 жылғы 23 қаңтардағы

№ 43 қаулысына

қосымша