Дәрілік затты қолдану жөнінде мамандарға арналған нұсқаулық «Фарилин® 125» «Фарилин® 250» (Қазақстан Республикасы Денсаулық сақтау министрлігі Фармация комитеті Төрағасының 2008 жылғы 20 маусымдағы № 142 бұйрығымен бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2008 жылғы 20 маусымдағы

№ 142 бұйрығымен

Бекітілген

Дәрілік затты қолдану жөнінде мамандарға арналған нұсқаулық
Фарилин® 125
Фарилин® 250

Саудалық атауы

Фарилин® 125

Фарилин® 250

Халықаралық патенттелмеген атауы

Ампициллин  

Дәрілік түрі

Ішетін суспензия дайындауға арналған ұнтақ 125мг/5мл

Ішетін суспензия дайындауға арналған ұнтақ 250мг/5мл   

Құрамы

5 мл суспензияның құрамында

белсенді зат - 125мг, 250мг ампициллин тригидраты

қосымша заттар: натрий бензоаты, натрий цитраты, құрғақ банан, ксантанды камедь, сахароза

Сипаттамасы

Банан дәмі бар ақшыл немесе ақ суспензия.

Фармакотерапиялық тобы

Әсер ауқымы кең пенициллиндер.

АТЖ коды: J01CA01

Фармакологиялық қасиеттері

Фармакокинетикасы

Қышқылға төзімді. Ішу арқылы қабылдағанда асқазан-ішек жолынан жақсы сіңеді. Тамақ ішу ампициллиннің сіңуін азайтуы мүмкін. Ампициллин көптеген органдар мен тіндерге тарайды; дегенмен, жұлын сұйықтығындағы қанығуы тек ми қабықтары қабынғанда (мысалы, менингиттерде) ғана пайда болады. Ампициллин өзгермеген күйінде елеулі дәрежеде несеппен шығарылады; ампициллинді пробенецидпен бір мезгілде қабылдағанда шығарылуы баяу жүреді, ол ампициллиннің бүйрек және тубулярлық сөлінісін тежейді. Ампициллиннің плазмадан жартылай шығарылу кезеңі 1-2 сағатты құрайды. Препараттың жоғары концентрациялары өт пен несептен табылады. Ампициллиннің 20% жуығы плазма ақуыздарымен байланысады. Препараттың метаболизденуі (15-50%) бауырда жүреді.

Фармакодинамикасы

Ампициллин - әсер ауқымы кең жартылай синтетикалық пенициллиндер тобындағы антибиотик. Аэробтық грамоң бактериялар: Staphylococcus spp. (пенициллиназа түзетін штаммдарды қоспағанда), Streptococcus spp., Enterococcus spp., Listeria monocytogenes; аэробты грамотеріс бактериялар: Neisseria gonorrhoeae, Neisseria meningitidis, Escherichia coli, Shigella spp., Salmonella spp., Bordetella pertussis, мынаның Haemophilus influenzaeкейбір штаммдары жөнінде белсенді. Пенициллиназаның әсерімен ыдырайды.