Дәрілік затты медицинада қолдану жөніндегі нұсқаулық «Три-Ви Плюс» (Тrі- vі plus) (Қазақстан Республикасы Денсаулық сақтау министрлігі Фармацевтикалық бақылау комитеті Төрағасының 2008 жылғы 3 қарашадағы № 270 бұйрығымен бекітілген)

Қазақстан Республикасы

Денсаулық сақтау министрлігі

Фармацевтикалық бақылау

комитеті Төрағасының

2008 жылғы 3 қарашадағы

№ 270 бұйрығымен бекітілген

Дәрілік затты медицинада қолдану жөніндегі нұсқаулық
Три-Ви Плюс (Тri- vi plus)

Саудалық  атауы

Три-Ви Плюс

Халықаралық патентелмеген атауы

Жоқ

Дәрілік түрі

Қабықпен қапталған таблеткалар

Сипаттамасы

Ядросы ақшыл-сұр түсті теңбілі бар, ұзынша келген шабдалы түстес таблеткалар.

Құрамы

1 таблетка құрамында:      

Белсенді заттар: А витамині (бета-каротин) 5000 ХБ, Е витамині (dl-альфа токоферола ацетат) 30 ХБ, С витамині (аскорбин қышқылы) 60 мг, мырыш (мырыш тотығы түрінде) 40 мг, мыс (мыс тотығы түрінде) 2 мг, селен (натрий селенаты түрінде) 40 мкг.

Қосалқы заттар: дикальций фосфаты, микрокристалды целлюлоза, желатин, стеарин кышқылы, сахароза, натрий кроскармеллозасы, магния стеараты, крахмал, кремний диоксиді, магний силикаты,  поливинилпирролидон, триацетин, токоферолдар қоспасы, натрий аскорбаты, үшкальций фосфаты, аскорбилпальмит.

Қабығы: гидроксипропилметилцеллюлоза, титан диоксиді, №6 сары FD&C бояғышы, минералды май.

Фармакотерапиялық тобы

Құрамында минералды заттар бар витаминдер

АТС Код: А11IB

Фармакологиялық қасиеттері

А витамині көру пигменттерінің түзілуіне қатысады; эпителиальды жасушалардың бүтіндігін қамтамасыз етеді, сүйектердің өсуін реттейді, иммуноглобулиндердің синтезін белсендендіріп, ағзаның жұқпадан арнайы қорғанысын қалыпты деңгейде ұстап тұрады.

С витамині  әртүрлі ақ-уыздардың (коллагеннің) синтезін қамтамасыз етеді; тотығу-тотықсыздану үрдістерін реттеуге қатысады, темірдің ішектен сіңірілуіне ықпал жасайды, антиденелердің, интерферонның, глюкокортикоидтардың және катехоламиндердің синтезін ынталандырады, гистаминнің босап шығуына кедергі жасайды.

Е витамині асқын тотығуға қарсы белсенділігі бар (бос радикалды реакцияларды тежейді, жасушалық және жасуша үстілік мембраналарды зақымдайтын пероксидтердің түзілуіне жол бермейді); эритропоэзды ынталандырады, тіндік тынысты жақсартады. 

Мырыш нуклеин қышқылдарының, ақ-уыздар, майлар, көмірсулар, гормондардың метаболизміне қатысады.