«Жамбыл облыстық сотының ауыр қылмыс жасаған А. жөніндегі үкімін өзгеріссіз қалдыру туралы» Қазақстан Республикасы Жоғарғы Сотының қылмыстық істер жөніндегі алқасының 2008 жылғы 10 желтоқсандағы № 2а-356-08 Қаулысынан үзінді

Жамбыл облыстық сотының ауыр қылмыс жасаған А. жөніндегі үкімін өзгеріссіз қалдыру туралы
Қазақстан Республикасы Жоғарғы Сотының қылмыстық істер жөніндегі алқасының 2008 жылғы 10 желтоқсандағы № 2а-356-08 Қаулысынан үзінді

Қазақстан Республикасы Жоғарғы Сотының қылмыстық істер жөніндегі алқасы төрағаның, судьялардың, Қазақстан Республикасы Бас прокурорының аға көмекшісінің қатысуымен Жамбыл облыстық сотының 2008 жылғы 5 қыркүйектегі үкіміне апелляциялық тәртіппен келтірілген сотталған А.-ның шағымымен келіп түскен қылмыстық істі қарап,

АНЫҚТАҒАНЫ:

Жамбыл облыстық сотының үкімімен

А., 1977 жылғы 27 мамырда Жамбыл облысы, Жамбыл ауданы, Аса ауылында туылған, ұлты қазақ, Қазақстан Республикасының азаматшасы, білімі жоғары - заңгер, бұрын сотталмаған,

- Қазақстан Республикасы ҚК-нің 96-бабының 2-бөлігінің «г», «з» тармақтарымен мүлкін тәркілеп, 15 жылға бас бостандығынан айыруға, ҚК-нің 179-бабының 3-бөлігінің «в» тармағымен мүлкін тәркілеп, 10 жылға бас бостандығынан айыруға, ҚК-нің 177-бабының 2-бөлігінің «б» тармағымен мүлкін тәркілеп, 4 жылға бас бостандығынан айыруға, ҚК-нің 175-бабының 2-бөлігінің «б» тармағымен мүлкін тәркілеп, 3 жылға бас бостандығынан айыруға, ҚК-нің 58-бабының 4-бөлігінің талабына сай жазаларды ішінара қосу жолымен түпкілікті ақтық өтеуге мүлкін тәркілеп, 17 жылға бас бостандығынан айыруға жазаны түзеу колониясының жалпы режимінде өтеуге сотталған. Өтеу мерзімі 2008 жылдың 10 қаңтарынан бастап есептелген.

Сотталған А.-дан мемлекет кірісіне іс жүргізу шығындары 5000 теңге өндірілген.

Сотталған А.-дан жәбірленуші О.-ға 490000 теңге, жәбірленуші Ж.-ға 85000 теңге, жәбірленуші У.-ға 427112 теңге өндірілген.

Іс бойынша айғақты заттардың мәселесі дұрыс шешілген.