Дәрілік заттың медицинада қолданылуы жөніндегі нұсқаулық «Наксокам» «Naxocam» (Қазақстан Республикасы Денсаулық сақтау министрлігі Фармацевтикалық бақылау комитеті Төрағасының 2009 жылғы 4 маусымдағы № 192 бұйрығымен бекітілген)

Қазақстан Республикасы

Денсаулық сақтау министрлігі

Фармацевтикалық бақылау

комитеті Төрағасының

2009 жылғы 4 маусымдағы

№ 192 бұйрығымен бекітілген

Дәрілік заттың медицинада қолданылуы жөніндегі нұсқаулық
Наксокам
Naxocam

Саудалық атауы

Наксокам

Naxocam

Халықаралық патенттелмеген атауы

Жоқ

Дәрілік түрі

Таблеткалар

Құрамы

Бір таблетканың құрамында

белсенді ингредиенттер:

Парацетамол                                 500 мг

Кофеин                                            30 мг

Фенилэфрин гидрохлориді              10 мг

Хлорфенирамин малеаты                2 мг,

қосымша заттар: микрокристалды целлюлоза, жүгері крахмалы, поливинилпирролидон К-30, метилпарабен, пропилпарабен, тазартылған тальк, магний стеараты, натрий крахмал гликоллаты.

Сипаттамасы

Екі жағы дөңес капсула пішінді, бір жақ бетінде бөлетін сызығы бар ақ түсті таблеткалар

Фармакотерапиялық тобы

Анальгетиктер. Анилидтер. Парацетамол басқа препараттармен бір жиынтықта (психолетиктерді қоспағанда)

АТЖ коды  N02BE51

Фармакологиялық қасиеттері

Фармакокинетикасы

Парацетамол - ішке қабылданғаннан кейін асқазан-ішек жолынан, көбінесе аш ішекте, негізінен, пассивті тасымалдану арқылы сіңеді.  500 мг дозаны бір рет қабылдағаннан кейін қан плазмасында ең жоғары қанығу деңгейіне 10-60 минуттан соң жетеді және 6 мкг/мл-ге жуықты құрайды, содан кейін біртіндеп төмендейді және 6  сағаттан соң 11-12 мкг/мл құрайды.

Тіндерге және негізінен организмнің сұйық ортасына, май тіндерін және жұлын сұйықтығын қоспағанда, кеңінен таралады. Қан плазмасы ақуыздарымен байланысуы 10% -дан азды құрайды және артық дозаланған кезде аздап артады.  Сульфатты және глюкуронды метаболиттер қан плазмасы ақуыздарымен тіпті біршама жоғары қанығу деңгейлерінде де байланыспайды.