Қазақстан Республикасы

Денсаулық сақтау министрлігі

Фармация комитеті Төрағасының

2007 жылғы 8 тамыздағы

№ 139 бұйрығымен бекітілген

Дәрілік затты қолдану жөнінде мамандарға арналған нұсқаулық
Нифедипин

Саудалық атауы

Нифедипин

Халықаралық патенттелмеген атауы

Нифедипин

Дәрілік түрі

Қабықпен қапталған 10мг таблеткалар

Құрамы

1 таблетканың құрамында

белсенді зат - нифедипин 10мг,

қосымша заттар: лактоза моногидраты, микрокристаллдық целлюлоза, бидай крахмалы, желатин, магний стеараты, тальк,

қабығының құрамы: тальк, этилцеллюлоза, арлацел, қант, повидон, натрий кармелозасы, титан диоксиді, коллоидты кремний диоксиді, Е 104 және  Е 110 бояулары, макрогол, полисорбат, глицерол.

Сипаттамасы

Дөңгелек, екі жағы дөңес, сары түсті қабықпен қапталған таблеткалар.

Фармакотерапиялық тобы

Көбінесе тамырларға әсер ететін баяу кальций каналдарының селективті бөгегіштерлері.  Дигидропиридиндік туындылар.

АТС  коды С08СА05

Фармакологиялық қасиеттер

Фармакокинетикасы

Препарат ішке қабылданғаннан кейін тез және толығымен асқазан-ішек жолында сіңеді.  Бауыр арқылы алғашқы өткен кездегі айқын нәтижесіне байланысты биожетімділігі 60-тан 75% дейін құрайды. Препаратты тамақпен бірге қабылдағанда асқазандағы сіңуі азаймайды. Жоғары дәрежеде плазма белоктарымен байланысады (92-98%). Плазмадан жарты шығарылу кезеңі 2 сағатқа жуық уақытты құрайды. Көп бөлігі метаболиттер және іздік мөлшерде өзгермеген   түрде бүйрекпен шығарылады; 20% ішек арқылы метаболиттер түрінде шығарылады. Терапевттік әсері қабылдағаннан кейін 20 минут өткенде басталады. Ең жоғары плазмалық концентрациялары қабылдағаннан кейін 1 және 2 сағат аралығында байқалады. Терапевттік әсерінің ұзақтығы 4 сағаттан 8 сағатқа дейін болады.

Фармакодинамикасы