Қазақстан Республикасы

Денсаулық сақтау министрлігі

Фармацевтикалық бақылау

комитеті Төрағасының

2008 жылғы 20 ақпандағы

№ 28 бұйрығымен бекітілген

Дәрілік затты қолдану жөнінде мамандарға арналған нұсқаулық
Но-ШпаÒ форте

Саудалық атауы

Но-шпа^® форте

Халықаралық патенттелмеген атауы

Дротаверин

Дәрілік  түрі

80 мг таблеткалар

Құрамы

Бір таблетканың құрамында

белсенді зат -  80 мг  дротаверин гидрохлориді

қосымша заттар: магний стеараты, тальк, поливидон, жүгері крахмалы, лактоза моногидраты.

Сипаттамасы

Жасылдау немесе қызғылт-сары реңді, бір бетінде “NO-SPA”, ал екінші бетінде - бөлгіш сызығы бар сары түсті дөңес сопақша таблеткалар.

Фармакотерапиялық  тобы

Асқазан-ішек жолдары тарапынан функционалды бұзылуларды емдеуге арналған препараттар. Папаверин және оның туындылары

АТЖ коды A03AD02

Фармакологиялық  қасиеттері

Фармакокинетикасы

Дротаверин ішкеннен кейін де және парентеральды жолмен енгізілген соң да тез және толық сіңеді: биожетімділігі 100%. Тіндерге тегіс таралады, тегіс бұлшық ет жасушаларына өтеді. Гематоэнцефалды кедергі арқылы өтпейді. Плазма ақуыздарымен, әсіресе альбуминдермен, альфа- және бета-глобулиндермен байланысуы - 95-98%. Ішкеннен соң 45-60 минуттан кейін плазмада ең жоғарғы қанығу деңгейіне жетеді. Бауыр арқылы алғашқы өту кезінде дозаның 60 %-і өзгермеген түрде қан айналымында болады. Дротаверин бауырда метаболизге ұшырайды, оның жартылай шығарылу кезеңі 16-22 сағатты құрайды. 72 сағат ішінде дротаверин іс жүзінде организмнен толық шығарылады - оның 50%-дан көбі несеппен және 30%-ға жуығы нәжіспен шығады. Дротаверин негізінен метаболиттер түрінде шығарылады. 

Фармакодинамикасы