Дәрілік заттың медицинада қолданылуы жөніндегі нұсқаулық «Норвир» (Қазақстан Республикасы Денсаулық сақтау министрлігі Фармацевтикалық бақылау комитеті Төрағасының 2009 жылғы 9 қарашадағы № 16 бұйрығымен бекітілген)

Қазақстан Республикасы

Денсаулық сақтау министрлігі

Фармацевтикалық бақылау

комитеті Төрағасының

2009 жылғы 9 қарашадағы

№ 16 бұйрығымен бекітілген

Дәрілік заттың медицинада қолданылуы жөніндегі нұсқаулық
Норвир

Саудалық атауы

Норвир

Халықаралық патенттелмеген атауы

Ритонавир

Дәрілік түрі

Жұмсақ капсулалар, 100 мг

Құрамы

Бір капсулада

белсенді зат - 100 мг ритонавир,

қосымша заттар: этанол, бутилгидрокситолуол (Е312), олеин қышқылы, полиоксил 35 (майсана майы), тазартылған су,

қабықтың құрамы: желатин, арнайы сорбит, глицерин, титанның қос тотығы, ортатізбекті каприл және каприн қышқылының триглицеридтері, лецитин, қара сия 7878.

Сипаттамасы

Фирманың қара түсті сиямен жазылған «Abbott»,  «100»,  «DS»  деген саудалық таңбасы  бар, ақ түсті жұмсақ желатин капсулалар. Капсуланың ішіндегісі -   бөлшектері жоқ түссіз сұйықтық.

Фармакотерапиялық тобы

Вирусқа қарсы тікелей әсер ететін дәрілер. НІV-протеаза тежегіштері

АТЖ коды   J05AE03

Фармакологиялық қасиеттері

Фармакокинетикасы

Ритонавирдің сіңуі 60-80%-ды құрайды. Ең жоғары қанығу деңгейіне (Т_mах) 3 сағаттан кейін жетеді. Орташа бүйректік клиренсі сағатына 0,1 л-ден азды құрайды. Ритонавирдің ашқарынға сіңу дәрежесі, тамақпен бірге қолданған кездегіден 12% жоғары. Тағам ритонавир капсулаларының биожетімділігін төмендетеді. Ритонавирдің 100 мг бірреттік дозасын майлылығы орташа немесе өте майлы аспен бірге қолдану ритонавирдің  АUС-ң (концентрация-уақыт астындағы қисық) және С_mах-ң (ең жоғары концентрация) 20-23%-ға төмендеуімен қоса қабаттасады.

Ритонавирдің жартылай ыдырау кезеңі (Т ½ ) - 3-5 сағат.  Тәулігіне  600  мг  дозадағы  клиренсі  орта  есеппен  алғанда сағатына  8,8 +/-3,2 л  құрайды.   600  мг бір дозасын  қабылдағаннан  кейін   ритонавирдің  таралу көлемі (V_B/F) әр кг дене салмағына  шаққанда  0,41+/-0,25 л  шегінде болады.  Ритонавирдің  плазма ақуыздарымен жалпы байланысуы  1-ден  100  мкг/мл-ге  дейінгі  концентрациямен  тұрақты  болып  табылады.