Дәрілік затты қолдану жөнінде мамандарға арналған нұсқаулық «Овестин» (Қазақстан Республикасы Денсаулық сақтау министрлігі Фармация комитеті Төрағасының 2007 жылғы 4 шілдедегі № 118 бұйрығымен бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2007 жылғы 4 шілдедегі

№ 118 бұйрығымен бекітілген

Дәрілік затты қолдану жөнінде мамандарға арналған нұсқаулық
ОвестинÒ

Саудалық атауы

Овестин^Ò

Халықаралық патенттелмеген атауы (ХПА)

Эстриол

Дәрілік түрі

Қынаптық суппозиторийлер.

Құрамы

Белсенді зат:

Эстриол………………………….0,5 мг

Қосымша зат: витепсол S58

Сипаттамасы

Торпеда түріндегі, ашық-крем түске дейінгі ақ суппозиторийлер.

Фармакотерапиялық тобы

Табиғи және жартылай синтетикалық эстрогендер, бір компонентті препараттар.

АТЖ коды  G03CA04

Фармакологиялық қасиеттері

Фармакодинамикасы

Овестин препаратының құрамында әйелдің  табиғи гормоны эстриол бар. Ол етеккір үзілісі бар әйелдерде эстрогендер түзу қабілеті жойылуының орнын толтырады және етеккір үзілісінің белгілерін бәсеңдетеді. Эстриол әсіресе несепжыныс симптомдарын емдеуде тиімді. Эстриол қан ағысына түсе отырып, жатырда, қынапта, зәр шығару өзегінде, сүт безінде, бауырда, гипоталамуста, гипофизде спецификалық рецепторлармен кешен құрады, ДНҚ мен протеиндер синтезін көтермелейді. Несеп жолы төменгі бөлімдері шырышты қабығының атрофиясы жағдайында эстриол несепжыныс жолы эпителийінің қалпына келуін тудырады және қынапта қалыпты микрофлора мен физиологиялық рН қалпына келуіне ықпал етеді. Соның нәтижесінде ол диспареуния, құрғақтық, қышыма, қынаптық инфекциялар мен несеп жолы инфекцияларына қынаптық шағынуларды, зәр ағуына және әлсіз байқалған несеп ұстамауына байланысты шағымдарды төмендете отырып, несеп-жыныс жолы эпителиальдық жасушаларының инфекцияға және қабынуға қарсылығын арттырады.

Басқа эстрогендерден ерекшелігі сол, эстриол қысқа әсер ету кезеңіне ие, өйткені эндометрий жасушаларының ядроларында ол тек қысқа уақыт кезеңінде ғана сақталады. Сондықтан бір реткі тәуліктік дозаның толық енгізілуі эндометрий пролиферациясын тудырмайды деп жорамалданады. Соған орай прогестагенді циклды енгізу талап етілмейді және тоқтатудың етеккір үзілісінен кейінгі қан кетулері туындамайды.