Дәрілік заттың медицинада қолданылуы жөніндегі нұсқаулық «Пан IV» «PAN IV» (Қазақстан Республикасы Денсаулық сақтау министрлігі Фармацевтикалық бақылау комитеті Төрағасының 2008 жылғы 3 қарашадағы № 266 бұйрығымен бекітілген)

Қазақстан Республикасы

Денсаулық сақтау министрлігі

Фармацевтикалық бақылау

комитеті Төрағасының

2008 жылғы 3 қарашадағы

№ 266 бұйрығымен бекітілген

Дәрілік заттың медицинада қолданылуы жөніндегі нұсқаулық
Пан IV
PAN IV

Саудалық атауы   

ПАН   IV

PAN   IV

Халықаралық патенттелмеген атауы

Пантопразол  

Дәрілік түрі    

Көктамыр ішіне енгізу  үшін ерітінді дайындауға арналған  40 мг ұнтақ

Құрамы

Белсенді зат  - пантопразол ………………………… 40 мг

(натрий пантопразолы түрінде),

Қосымша заттар:  маннитол.

Сипаттамасы

Ақ немесе ақ дерлік  лиофилизденген ұнтақ

Фармакотерапиялық тобы   

Протон сорғысының тежегіші 

АТЖ коды А02ВС02

Фармакологиялық қасиеттері

Фармакокинетикасы

Сіңуі: пантопразол ішектен жылдам және толықтай дерлік сіңеді. Ішу арқылы қабылдағанда пантопразол қан плазмасындағы ең жоғары концентрациясына  1 сағаттан соң жетеді және  5,53 мкг/мл-ні құрайды. Таралу көлемі  шамамен 0,15 л/кг-ні, клиренсі - шамамен 0,1 л/кг-ні құрайды. Пантопразолдың қан  плазмасының ақуыздарымен байланысуы шамамен  98%-ды құрайды.

Шығарылуы және метаболизмі: пантопразол бауырда толықтай дерлік метаболизденеді. Негізгі метаболиті дезметилпантопразол сульфаты  боп саналады. Препараттың шамамен 80%-ы бүйрек арқылы, ал қалған бөлігі нәжіспен шығарылады. Негізгі метаболиттің жартылай шығарылу кезеңі шамамен 1,5 сағатты, пантопразолдікі - шамамен 1 сағатты құрайды.

Фармакодинамикасы

H+-K+-АТФ-аза тежегіші. Асқазандағы тұз қышқылы сөлінісінің базальді және көтермеленген (тітіркендіргіш түріне байланыссыз) деңгейін төмендетеді. Таңдамалылығы ПАН-ның тек белгілі бір қышқылдық деңгейінде (рН < 3) әсер етуімен түсіндіріледі. Helicobacter pylori-мен астасқан он екі елі ішектің  ойық жара ауруында,  асқазан сөлінісі деңгейінің мұндай төмендеуі микроорганизмдердің антибиотиктерге деген сезімталдығын арттырады. ПАН-ның Helicobacter pylori-ге қатысты микробтарға қарсы белсенділігі бар.

Қолданылуы