Дәрілік затты қолдану жөнінде мамандарға арналған нұсқаулық «Преднизолон» (Қазақстан Республикасы Денсаулық сақтау министрлігі Фармация комитеті Төрағасының 2008 жылғы 23 сәуірдегі № 89 бұйрығымен бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2008 жылғы 23 сәуірдегі

№ 89 бұйрығымен бекітілген

Дәрілік затты қолдану жөнінде мамандарға арналған нұсқаулық
Преднизолон

Саудалық атауы

Преднизолон

Халықаралық патенттелмеген атауы

Преднизолон

Дәрілік түрі

Көктамырішіне және бұлшықетішіне енгізуге арналған                                            30 мг/мл  ерітінді

Құрамы

1 мл ерітіндінің құрамында

белсенді заттар -  преднизолонның натрий фосфаты,  преднизолон фосфатының - 30 мг-не барабар,

қосымша заттар: динатрий эдетаты, сусыз натрий гидрофосфаты, натрий дигидрофосфатының дигидраты, пропиленгликоль,  инъекцияға арналған су.

Сипаттамасы

Мөлдір, түссіз немесе жасыл-сарғыш реңді  ерітінді

Фармакотерапиялық тобы

Жүйелі қолдануға арналған кортикостероидтар. Глюкокортикостероидтар.

АТЖ коды  НО2AB06

Фармакологиялық қасиеттері

Фармакокинетикасы

Препараттың 90% жуығы қансарысуының ақуыздарымен: транскортинмен (кортизолды байланыстыратын глобулинмен) және альбуминдермен байланысады. Преднизолон  глюкурон және күкірт қышқылдарымен конъюгациялану  арқылы негізінен бауырда метаболизденеді, ішінара бүйректерде және басқадай тіндерде.   Метаболиттері белсенді емес. Өт және  шумақтық сүзілу арқылы несеппен бөлінеді де, оның 80-90% бүйрек өзекшелері арқылы  қайта сіңеді. Алынған дозаның 20% бүйректермен өзгермеген күйде шығарылады. Көктамыр арқылы енгізгеннен кейін қансарысуынан жартылай шығарылу кезеңі  2-3 сағат шамасында.

Фармакодинамикасы

Преднизолон - синтетикалық глюкокортикоидты препарат, гидрокортизонның сусыздандырылған аналогы. Қабынуға қарсы, аллергияға қарсы және иммунитетті төмендететін әсері бар,  бета-адренорецепторлардың эндогенді катехоламиндерге деген сезімталдығын арттырады.