Дәрілік затты қолдану жөнінде мамандарға арналған нұсқаулық «Ацикловир» (Қазақстан Республикасы Денсаулық сақтау министрлігі Фармация комитеті Төрағасының 2007 жылғы 21 желтоқсандағы № 212 бұйрығымен бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2007 жылғы 21 желтоқсандағы

№ 212 бұйрығымен бекітілген

Дәрілік затты қолдану жөнінде мамандарға арналған нұсқаулық
Ацикловир

Саудалық атауы

Ацикловир

Халықаралық патенттелмеген атауы

Ацикловир

Дәрілік түрі

200 мг  таблеткалар

Құрамы

белсенді зат: ацикловир - 200 мг,

қосымша заттар: сүт қанты (лактоза), картоп крахмалы, аэросил (кремнийдің коллоидты қостотығы), повидон, кальций стеараты.

Сипаттамасы

Ақ түсті, жалпақ цилиндрлі түрдегі сызығы және ойығы бар таблеткалар.

Фармакотерапиялық тобы

Вирустарға  қарсы жүйелі қолдануға арналған препараттар.  Нуклеозидтер мен нуклеотидтер.

АТЖ коды  J05AB01

Фармакологиялық қасиеттері

Фармакокинетикасы

Ішке қабылдағанда биологиялық жетімділігі 15-30%-ды құрайды. Ацикловир  ми мен теріні қоса алғанда организмнің барлық ағзалары мен тіндеріне жақсы өтеді.  Плазма ақуыздарымен байланысуы 9-33%-ды құрайды және оның плазмадағы концентрациясына  байланысты емес. Жұлын сұйықтығындағы концентрациясы оның плазмадағы концентрацияның шамамен 50%-ын құрайды. Ацикловир  плацентарлық бөгет арқылы өтеді де ана сүтінде жинақталады. Ішуге 200 мг-ні тәулігіне 5 рет тағайындағаннан кейін ең жоғары  концентрациясы - 0,7 мкг/мл, ең жоғары концентрациясына жету уақыты  - 1,5-2 сағат.

Бауырда фармакологиялық белсенді емес 9-карбоксиметоксиметилгуанинді құрылым түзуі арқылы метаболизденеді. Бүйрек қызметі қалыпты ересек адамдардағы жартылай шығарылу кезеңі 2-3 сағатты құрайды. Ауыр бүйрек жеткіліксіздігі бар науқастарда жартылай шығарылу кезеңі 20 сағат,  гемодиализде - 5,7 сағат (бұл кезде  плазмадағы концентрациясы бастапқы мәнінен  60%-ға дейін азаяды). Шамамен 84% бүйрек арқылы өзгермеген түрде және 14% -  метаболит түрінде шығарылады.  Ацикловирдің бүйрек  клиренсі жалпы  плазматикалық  клиренстің 75-80%-ын құрайды. Ацикловирдің 2%-дан кемі  организмнен ішек арқылы шығарылады.

Фармакодинамикасы