Дәрілік заттың медицинада қолданылуы жөніндегі нұсқаулық Арифон( Ретард Arіfon( Retard (Қазақстан Республикасы Денсаулық сақтау министрлігі Фармацевтикалық бақылау комитеті Төрағасының 2009 жылғы 27 ақпандағы № 77 бұйрығымен бекітілген)

Қазақстан Республикасы

Денсаулық сақтау министрлігі

Фармацевтикалық бақылау

комитеті Төрағасының

2009 жылғы 27 ақпандағы

№ 77 бұйрығымен бекітілген

Дәрілік заттың медицинада қолданылуы жөніндегі нұсқаулық
АрифонÒ Ретард
ArіfonÒ Retard

Саудалық атауы

Арифон^Ò Ретард

Халықаралық патенттелмеген атауы

Индапамид

Дәрілік түрі

Әсері ұзаққа созылған үлбірлі қабықпен қапталған 1,5 мг таблеткалар

Құрамы

Бір таблеткадағы

белсенді зат - индапамид 1,5 мг

қосымша заттар: гипромеллоза, лактоза моногидраты, магний стеараты, повидон, коллоидты сусыз кремний диоксиді

қабығының құрамы: глицерол, гипромеллоза, макрогол 6000, магний стеараты, титанның қостотығы

Сипаттамасы

Үлбірлі қабықпен қапталған домалақ, екі жағы дөңес ақ таблеткалар

Фармакотерапиялық тобы

Диуретиктер. Сульфонамидтер.

АТЖ коды С03ВА11

Фармакологиялық қасиеттері

Фармакокинетикасы

Арифон^Ò Ретард таблеткаларында белсенді зат арнайы матрикс негізге шашыратылған, ол индапамидтің асқазан-ішек жолына біртіндеп босап шығуын қамтамасыз етеді.

Сіңуі

Босап шығатын белсенді зат тез және толықтай асқазан-ішек жолында сіңеді. Тамақтану препараттың сіңу жылдамдығын біршама бәсеңдетеді, бірақ сіңген заттың мөлшеріне ықпал етпейді.

Қан сарысуындағы ең жоғары деңгейіне (С_мах) бір рет қабылдағаннан кейін 12 сағаттан соң жетеді.

Қайталап қабылдаған кезде индапамидтің қан плазмасындағы концентрациясының құбылуы екі дозаны қабылдау аралығында мардымсыз болады.

Таралуы

Қан плазмасының ақуыздарымен байланысуы - 79%-ға жуық.

Жартылай шығарылу кезеңі (Т_1/2) 14-24 сағат (орташа алғанда 18 сағат) құрайды.

Теңбе-теңдік жағдай ұдайы қабылдағаннан кейін 7 күннен соң пайда болады.

Қайталап қабылдаған кезде организмде жинақталмайды.

Метаболизмі және шығуы

Индапамид биотасымалға ұшырайды және белсенді емес метаболит түрінде, негізінен, несеппен бірге - 70% және нәжіспен бірге - 22 %-ы шығады.

Бүйрек жеткіліксіздігіне шалдыққан науқастарда фармакокинетикалық параметрлері өзгеріске ұшырамайды.

Фармакодинамикасы