Қазақстан Республикасы

Денсаулық сақтау министрлігі

Фармация комитеті Төрағасының

2007 жылғы 9 қарашадағы

№ 199 бұйрығымен бекітілген

Дәрілік затты қолдану жөнінде мамандарға арналған нұсқаулық
Амписид

Саудалық  атауы

Амписид

Халықаралық патенттелмеген атауы

Сультамициллин

Дәрінің түрі

250 мг/5 мл суспензия дайындауға арналған ұнтақ.

Құрамы

Бір сауыттың құрамында

белсенді зат - сультамициллин 2,0 г.

қосымша заттар: қант, ксантан, гидроксипропил метилцеллюлозасы, натрий карбоксиметилцеллюлозасы, лимон қышқылы, натрий фосфаты, дәмдік қосқыш.

Сипаттамасы

Ақ түсті ұнтақ.

Фармакотерапевтикалық тобы

Микробқа қарсы жүйелі әсері бар препараттар. Пенциллиндерінің бета-лактамазаның тежегіштерімен қосындысы.

АТЖ коды J01CR04

Фармакологиялық қасиеттері

Фармакокинетикасы

Тамақ қабылдау биожетімділікке әсер етпейді, ол көк тамырға енгізілгенде биожетімділіктің 80 пайызын құрайды. Ампициллин қан белоктарымен 28 пайызға, сульбактам - 38% байланысады. Қабылдағаннан кейін сультамициллин асқазан-ішек жолында ампициллин мен сульбактамға гидролизденеді.

Сультамициллинді қабылдағаннан кейін қандағы концентрациясы дәл сол мөлшерде қабылданған ампициллин концентрациясынан 2 есе асып түседі. Ампициллин мен сульбактамның жартылай шығарылу кезеңі тиісінше 0,75 және 1 сағатты құрайды. 50-75% несеппен шығарылады. Бүйрек функциясы бұзылған науқастар мен егде адамдарда бұл кезең ұзара түседі. Сультамициллин жоғары концентрацияларда организмнің түрлі мүшелері мен сұйықтықтарынан анықталады; көк тамырға қолданғаннан кейін жұлын қабығының қабынуында жұлын сұйықтығынан табылады.

Фармакодинамикасы