Дәрілік заттың медицинада қолданылуы жөніндегі нұсқаулық Вирокомб (Қазақстан Республикасы Денсаулық сақтау министрлігі Фармацевтикалық бақылау комитеті Төрағасының 2008 жылғы 22 тамыздағы № 191 бұйрығымен бекітілген)

Қазақстан Республикасы

Денсаулық сақтау министрлігі

Фармацевтикалық бақылау

комитеті Төрағасының

2008 жылғы 22 тамыздағы

№ 191 бұйрығымен бекітілген

Дәрілік заттың медицинада қолданылуы жөніндегі нұсқаулық
Вирокомб

Саудалық атауы

Вирокомб

Халықаралық патенттелмеген атауы

Жоқ

Дәрілік түрі

Қабықпен қапталған таблеткалар

Құрамы

Бір таблетканың құрамында

белсенді заттар: зидовудин 300 мг

                               ламивудин 150 мг,

қосымша заттар: натрий крахмалы гликолят, магний стеараты, микрокристалдық целлюлоза, коллоидты сусыз силикагель,

қабықтың құрамында: ақ опадрай 03Н58900.

Сипаттамасы

Ақ немесе ақ дерлік капсула тәрізді, үлбірлі қабықпен қапталған таблеткалар, бір жағында RX923 таңбасы жазылған.

Фармакотерапиялық тобы

Жүйелі қолдануға арналған вирусқа қарсы препараттар. Нуклеозидтер - кері транскриптазаның тежегіші.

АТЖ коды J05AR01

Фармакологиялық қасиеттері

Фармакокинетикасы

Ламивудин тез сіңеді. Ересектер мен жас өспірімдерде биосіңімділігі 80-88%, балаларда - 66-68%. Тағаммен қабылдау ең жоғары концентрациясына жету уақытын арттырады, бірақ биосіңімділігіне әсер етпейді. Ересектер мен жас өспірімдерде қан сарысуындағы ең жоғары концентрациясы - 6,5 мкмоль/л, балаларда - 4,8 мкмоль/л.

Ламивудин организмде кеңінен тарайды. Гематоэнцефалдық тосқауыл арқылы, плацента арқылы өтеді. Таралу көлемі - 1,3 л/кг. Ақуыздармен байланысуы - 36 %.

Бауырда биотрансформацияға ұшырап, бүйрек арқылы сыртқа шығарылады. Ересектерде бүйрек қызметі қалыпты болған кезде жартылай шығарылу кезеңі 2-11 сағат болса, балаларда (4 айдан 14 жасқа дейін) - 1,7-2 сағат. Бүйрек қызметі бұзылған кезде (креатинин клиренсі 10-40 мл/мин) жартылай шығарылу кезеңі 13,6 сағатқа дейін ұлғаяды, креатинин клиренсі 10 мл/мин-тан төмен болған кезде - 19,4 сағат.