Дәрілік затты қолдану жөнінде мамандарға арналған нұсқаулық Ванкоген (Қазақстан Республикасы Денсаулық сақтау министрлігі Фармация комитеті Төрағасының 2007 жылғы 6 тамыздағы № 137 бұйрығымен бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2007 жылғы 6 тамыздағы

№ 137 бұйрығымен бекітілген

Дәрілік затты қолдану жөнінде мамандарға арналған нұсқаулық
Ванкоген

Саудалық атауы

Ванкоген 

Халықаралық патенттелмеген атауы

Ванкомицин 

Дәрілік түрі

Инфузиялық ерітінді дайындауға арналған ұнтақ

Құрамы

Белсенді зат - стерильді ванкомицин гидрохлориді 500 мг, 1 г

Сипаттамасы

Лиофилизирленген ақ немесе ақ дерлік ұнтақ

Фармакотерапиялық тобы

Гликопептидті құрлымы бар антибиотик

АТЖ коды J01ХA01

Фармакологиялық қасиеттері

Фармакокинетикасы

Ванкомицинді көктамыр ішіне 500 мг-ден енгізгенде 1 сағаттан кейінгі қансарысуындағы орташа қанығу деңгейі 33 мкг/мл құраса, ванкомицинді 1 г доза мөлшерінде көктамыр ішіне енгізгенде қансарысуындағы орташа қанығу деңгейі одан 2 есе көп болады. Қансарысуындағы жоғарғы қанығу деңгейіне инфузиядан кейінгі 1 сағаттан соң  жетіп, 20-50 мкг/мл құрайды. Инфузиядан кейін 12 сағат өткенде ванкомициннің қанығуы деңгейі 5-10 мкг/мл құрайды. Қансарысуының ақуыздарымен  байланысуы  55% құрайды.

Таралуы

Ванкомицин организмнің сұйық орталарына (плевральдық, синовиальдық, перикардиалдық, асциттік сұйықтыққа)  оңай өтеді.   Ми қабықтары ұабынған жағдайда гематоэнцефалиялық кедергі арқылы жақсы өтеді.

Шығарылуы

Енгізілген препараттың  75-90% шумақтық сүзілу арқылы бүйрек арқылы шығарылады. Енгізілген дозаның  40-тан - 100%-ға дейінгі мөлшері өзгермеген күйде.  Аздаған мөлшері өт арқылы шығарылады. Жартылай шығарылу кезеңі  -  4,7-11,2 сағат.

Бүйрек қызыметі бұзылған жағдайда ванкомициннің шығарылуы кешеуілдейді.

Фармакодинамикасы

Гликопептидтер тобындағы антибиотик. Препарат бактерицидті түрде әсер етеді. Бактерия жасаушалары қабырғасының синтезін төмендетіп, олардың өткізгіштігін арттырып, РНҚ синтезін өзгертеді.