Дәрілік заттың медицинада қолданылуы жөніндегі нұсқаулық Ванкорус (Қазақстан Республикасы Денсаулық сақтау министрлігі Фармацевтикалық бақылау комитеті Төрағасының 2009 жылғы 15 қазандағы № 308 бұйрығымен бекітілген)

Қазақстан Республикасы

Денсаулық сақтау министрлігі

Фармацевтикалық бақылау

комитеті Төрағасының

2009 жылғы 15 қазандағы

№ 308 бұйрығымен бекітілген

Дәрілік заттың медицинада қолданылуы жөніндегі нұсқаулық
Ванкорус

Саудалық атауы

Ванкорус

Халықаралық патенттелмеген атауы

Ванкомицин

Дәрілік түрі

Инфузия үшін ерітінді дайындауға арналған  0,5 г лиофилизат

Құрамы

Лиофилизаттың құрамында

белсенді зат - 0,5 г ванкомицин гидрохлориді (ванкомицинге шаққанда)

қосымша заттар: маннит (маннитол)

Сипаттамасы

Ақ түстен қызғыш немесе ашық қоңыр реңді ақ түске дейін болатын ұнтақ.

Фармакотерапиялық тобы

Гликопептидтік құрылымдағы бактерияларға қарсы препараттар.

АТЖ коды  J01XA01

Фармакологиялық қасиеттері

Фармакокинетикасы

500 мг ванкомицинмен 30 минут бойы жүргізілген бірнеше  инфузия аяқталғанда плазмадағы орташа қанығу деңгейі  49 мг/л-ге жуық; инфузиядан  кейін 2 сағаттан соң плазмадағы орташа қанығу деңгейі  19 мг/л, ал 6 сағаттан соң 10 мг/л жетеді. Бірнеше рет енгізген кездегі плазмадағы қанығу деңгейі бір енгізген кездегі плазмадағы қанығу деңгейіне  ұқсас.

Ванкомициннің плазмадан жартылай шығарылу кезеңі бүйрек қызметі қалыпты науқастарда 4-6 сағатты құрайды. Ванкомициннің енгізілген дозасының 75%-ға жуығы алғашқы 24 сағат ішінде шумақтық сүзілу арқылы несеппен бірге шығарылады. Плазманың орташа клиренсі сағатына әр кг дене салмағына шаққанда 0,058 л-ге жуықты, ал бүйректік клиренсі сағатына 0,048 л/кг  құрайды. Ванкомициннің бүйректік клиренсі  барынша тұрақты және оның 70-80% шығуын қамтамасыз етеді. Таралу көлемі әр кг дене салмағына шаққанда 0,3-тен 0,43 л-ге дейін өзгеріп отырады. Препарат іс жүзінде өзгеріске ұшырамайды.Ультрасүзіу көрсеткеніндей, сарысудағы 10 мг/л-ден 100 мг/л-ге дейінгі концентрацияда ванкомициннің 55%-ы ақуызбен байланысты жағдайда болады.