Дәрілік заттың медицинада қолданылуы жөніндегі нұсқаулық Гемзар (Қазақстан Республикасы Денсаулық сақтау министрлігі Фармацевтикалық бақылау комитеті Төрағасының 2008 жылғы 20 маусымдағы № 142 бұйрығымен бекітілген)

Қазақстан Республикасы

Денсаулық сақтау министрлігі

Фармацевтикалық бақылау

комитеті Төрағасының

2008 жылғы 20 маусымдағы

№ 142 бұйрығымен бекітілген

Дәрілік заттың медицинада қолданылуы жөніндегі нұсқаулық
ГемзарÒ

Саудалық атауы

ГемзарÒ

Халықаралық патенттелмеген атауы

Гемцитабин

Дәрілік түрі

200 мг, 1 г инфузиялық ерітінді әзірлеуге арналған лиофилизат.

Құрамы

200 мг ұнтақта мыналар бар:

белсенді зат - 200 мг гемцитабинге барабар гемцитабин гидрохлориді,

қосымша заттар: маннитол, натрий ацетаты.

1 г ұнтақта мыналар бар:

белсенді зат -1 г гемцитабинге барабар гемцитабин гидрохлориді,

қосымша заттар: маннитол, натрий ацетаты.

Фармакотерапиялық тобы

Ісікке қарсы препаратар. Пиримидин аналогтары

АТЖ коды: L01ВС05

Фармакологиялық қасиеттері

Фармакокинетикасы

Препаратты 1 г/м² дозада 30 минут бойы көктамырішіне бір рет инфузия жасағаннан кейін гемцитабин плазмада ең жоғары концентрациясына (Смах) инфузия аяқталғаннан кейін 3-15 минуттан соң жетеді. Плазма ақуыздарымен іс жүзінде байланыспайды, тіндерге таралуы мардымсыз.  Орташа таралу көлемі - 11 л/м². Бүйрек, бауырда және организмнің басқа тіндерінде цитидиндеаминаза ферментімен белсенді емес урацил метаболиті  2-дезокси-2,2-дифторуридинге дейін метаболизденеді.  Жасушаішілік метаболизм барысында белсенді дифосфатты және трифосфатты метаболиттер түзіледі, олар плазмада және несепте болмайды. Енгізілген дозаның 10%-дан азы несеппен өзгермеген күйінде білінеді. Жартылай шығарылу кезеңі 30 минуттан 94 минутқа дейін. Жүйелік клиренсі (30 л/сағ./м²-ден 90 л/сағ./м²-ге дейін) науқастың жасына және жынысына байланысты емес.

Фармакодинамикасы

ГемзарÒ  пиримидин аналогтар тобының антиметаболиті болып табылады.