Дәрілік заттың медицинада қолданылуы жөніндегі нұсқаулық Глюкоза (Қазақстан Республикасы Денсаулық сақтау министрлігі Фармацевтикалық бақылау комитеті Төрағасының 2009 жылғы 13 мамырдағы № 169 бұйрығымен бекітілген)

Қазақстан Республикасы

Денсаулық сақтау министрлігі

Фармацевтикалық бақылау

комитеті Төрағасының

2009 жылғы 13 мамырдағы

№ 169 бұйрығымен бекітілген

Дәрілік заттың медицинада қолданылуы жөніндегі нұсқаулық
Глюкоза

Саудалық  атауы

Глюкоза

Халықаралық  патенттелмеген  атауы

Декстроза

Дәрінің   түрі

Инфузияға  арналған 5%,  10% ерітінді.

Құрамы

100 мл  ерітіндінің құрамында

белсенді зат - глюкоза 5,0г немесе 10,0г,

қосымша заттар  - натрий хлориді, хлорлы сұйқтық қышқылы, инъекцияға арналған су 100 мл дейін.

Фармакотерапиялық   тобы

Плазмаалмастырушы және перфузиондық ерітінді.

Басқа ирригационды ерітінділер.

АТЖ коды

ВА05СХО1

Сипаттамасы

Мөлдір, түссіз немесе аздаған сарғыш сұйықтық

Фармакологиялық   қасиеттері

Фармакодинамикасы

Глюкоза организмдегі маңызды моносахарид және энергия көзі болып табылады. Оның калориялығы 4 ккал/г құрайды. Барлық жасушалар глюкозаны тотықтандыра алады, ол организмдер үшін басты қуат көзі болып табылады. Зат алмасуының түрлі процесіне қатысуы арқасында глюкоза организмге көпқырлы әсер етеді: тотықтану қалпына келу процестерін күшейтеді, бауырдың уытқайтарғыш әрекетін жақсартады. Глюкозаны енгізгеннен кейін протеиндер мен азот тапшылығы азайып, гликогеннің жинақталуы жылдамдайды. Глюкоза ерітіндісін құю ішінара су тапшылығын да толықтырады. Глюкозаның 5% изотониялық ерітіндісі уытсыздандыратын, метаболиялық әсер етеді, құнды оңай сіңірілетін қоректік заттардың көзі болып табылады. Көк тамырға гипертониялық 10% глюкоза ерітіндісін енгізгенде қанның осмотикалық қысымы артып, тін сұйықтығының қанға ағып келуі күшейеді де, зат  алмасу  процесі ұлғаяды, уытсыздандыру қызметі жақсарып, диурез арта түседі.

Фармакокинетикасы