«Қазақстан Республикасының медициналық және фармацевтикалық мамандықтар бойынша қосымша білім берудің мемлекеттік стандарты» ҚР ҚББМС

Қазақстан Республикасының медициналық және фармацевтикалық
 мамандықтар бойынша қосымша білім берудің
мемлекеттік стандарты

Мамандық

ҚР ҚББМС

Мазмұны

1. Қолдану саласы

2. Нормативтік сілтемелер

3. Терминдер мен анықтамалар

4. Қысқартулар

5. Жалпы ережелер

6. Мамандығы бойынша қосымша білім алушы тұлғаларға қойылатын талаптар

7. Мамандығы бойынша қосымша білім беру бағдарламасының құрылымына қойылатын талаптар

8. Мамандығы бойынша қосымша білім беру бағдарламасының мазмұнына қойылатын талаптар

9. Медициналық (немесе фармацевтикалық) мамандықтар бойынша қосымша білім беру ортасына қойылатын талаптар

10. Медициналық (немесе фармацевтикалық) мамандықтар бойынша қосымша білім беру бағдарламасын игерген тұлғалардың дайындық деңгейіне қойылатын талаптар

1. Қолдану саласы

Осы мемлекеттік стандарт (бұдан әрі - стандарт) медициналық және фармацевтикалық мамандықтар бойынша қосымша білім беру бағдарламалары мазмұнының мемлекеттік міндетті минимумына және мамандар дайындау деңгейіне қойылатын талаптарды белгілейді.

Стандарт ережелерін қолдану және сақтау ведомствалық бағыныстылығы мен ұйымдық-құқықтық нысандарына және оқыту нысандарына қарамастан, біліктілікті арттыру және қайта даярлау бағдарламаларын жүзеге асырушы барлық үйымдар үшін міндетті.

Стандарт біліктілікті арттыру және қайта даярлау циклдарына арналған білім беру бағдарламаларын жасауда пайдаланылады.

2. Нормативтік сілтемелер

Осы стандартта келесі нормативтік құжаттарға жасалған сілтемелер пайдаланылған:

«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі Кодексі;

Қазақстан Республикасының 2007 жылғы 15 мамырдағы № 251-3 Еңбек Кодексі;

«Білім туралы»Қазақстан Республикасының 2007 жылғы 27 шілдедегі № 389-111 Заңы;

«Қазақстан Республикасының медициналық және фармацевтикалық білім беруді реформалау тұжырымдамасы туралы» Қазақстан Республикасы Үкіметінің 2006 жылғы 24 сәуірдегі № 317 қаулысы;

Медициналық және фармацевтикалық мамандықтардың номенклатурасы;