«Тұмауды және басқа да жіті респираторлық вирустық инфекцияларды шолушы эпидемиологиялық қадағалауды одан әрі енгізу және жетілдіру туралы» Қазақстан Республикасы Денсаулық сақтау министрлігінің 2009 жылғы 28 қазандағы № 601 бұйрығы (күші жойылды)

Тұмауды және басқа да жіті респираторлық вирустық инфекцияларды шолушы эпидемиологиялық
қадағалауды одан әрі енгізу және жетілдіру туралы
Қазақстан Республикасы Денсаулық сақтау министрлігінің 2009 жылғы 28 қазандағы № 601 бұйрығы

ҚР Денсаулық сақтау министрінің 2011 жылғы 23 желтоқсандағы № 910 бұйрығымен күші жойылды

Қазақстан Республикасында тұмауды және басқа да жіті респираторлық вирустық инфекцияларды (бұдан әрі - ЖРВИ), оның ішінде ауыр жіті респираторлық инфекцияларды (бұдан әрі - АЖРИ) эпидемиологиялық қадағалауды жетілдіру мақсатында БҰЙЫРАМЫН:

1. Тұмауды, ЖРВИ, оның ішінде АЖРИ шолушы эпидемиологиялық қадағалауды (бұдан әрі - ШЭҚ) ұйымдастыру жөніндегі әдістемелік нұсқаулар (осы бұйрыққа 1 - қосымша) бекітілсін.

2. Қазақстан Республикасы Денсаулық сақтау министрлігі Мемлекеттік санитарлық-эпидемиологиялық қадағалау комитетінің Солтүстік Қазақстан, Батыс Қазақстан және Алматы облыстары бойынша денсаулық сақтау басқармаларының және департаменттерінің (бұдан әрі - ҚР ДСМ МСЭҚКД) басшылары облыстық орталықтардың белгіленген медициналық ұйымдарында тұмауды, ЖРВИ-ны және АЖРИ-ны жыл бойы ШЭҚ-ды жалғастырсын.

3. ҚР ДСМ МСЭҚК-нің Шығыс Қазақстан, Жамбыл, Маңғыстау облыстары және Астана қаласы бойынша денсаулық сақтау басқармаларының және департаменттерінің басшылары 2009 жылғы 1 қарашадан бастап тұмауды, ЖРВИ-ны және АЖРИ-ны жыл бойы ШЭҚ-ды енгізсін. Осы бұйрыққа сәйкес ШЭҚ-ды жүргізу үшін облыстық орталықтың медициналық ұйымдарын белгілесін.

4. Алматы, Шығыс Қазақстан, Жамбыл, Батыс Қазақстан, Маңғыстау, Солтүстік Қазақстан облыстарының және Астана қаласының денсаулық сақтау басқармаларының басшылары: