«Тіркелген салықтың бірыңғай мөлшерлемелерін белгілеу туралы» Ақтөбе облысы Ақтөбе қалалық мәслихатының 2009 жылғы 24 желтоқсандағы № 215 шешімі (2017.26.04. берілген өзгерістермен) (күші жойылды)

Тіркелген салықтың бірыңғай мөлшерлемелерін белгілеу туралы
Ақтөбе облысы Ақтөбе қалалық мәслихатының 2009 жылғы 24 желтоқсандағы № 215 шешімі

(2017.26.04. берілген өзгерістермен)

Ақтөбе облысы Ақтөбе қалалық мәслихатының 2018 жылғы 30 наурыздағы № 315 шешімімен күші жойылды

Ақтөбе облысы Ақтөбе қалалық мәслихатының 2017.26.04. № 182 шешімімен шешімнің атауындағы, мәтініндегі және қосымшасындағы «ставкаларын», «ставкалары», «ставкасы» сөздері «мөлшерлемелерін», «мөлшерлемелері», «мөлшерлемесі» сөздерімен ауыстырылды (бұр.ред.қара)

«Қазақстан Республикасындағы жергілікті мемлекеттік басқару және өзін - өзі басқару туралы» Қазақстан Республикасының 2001 жылғы 23 қаңтардағы № 148 Заңының 6 және 7 баптарына, «Салық және бюджетке төленетін басқа да міндетті төлемдер туралы (Салық кодексі)» Қазақстан Республикасының 2008 жылғы 10 желтоқсанындағы № 99-IV Кодексінің 422 бабына сәйкес, Ақтөбе қалалық мәслихаты ШЕШІМ ЕТТІ:

1. Ақтөбе қаласының аумағында қызметін жүзеге асыратын барлық салық төлеушілер үшін айына салық салу объектісінің бірлігіне тіркелген салықтың бірыңғай мөлшерлемелері қосымшаға сәйкес белгіленсін.