Жоғарғы қабаттағы көздерден су ресурстарын пайдаланғаны үшін төлемақы бойынша салық есептілігін (декларациясын) жасау ережесі (860.00-нысан) (Қазақстан Республикасы Қаржы министрінің 2009 жылғы 24 желтоқсандағы № 574 Бұйрығымен бекітілген) (2010.30.06. берілген өзгерістермен) (күші жойылды)

Қазақстан Республикасы Қаржы министрінің

2009 жылғы 24 желтоқсандағы

№ 574 Бұйрығымен

бекітілген

Жоғарғы қабаттағы көздерден су

ресурстарын пайдаланғаны үшін

төлемақы бойынша декларацияға

(860.00-нысан) қосымша

ҚР Қаржы министрінің 2009 жылғы 24 желтоқсандағы № 574 Бұйрығының 4-тармағына сәйкес ереженің қолданысы 2010 жылдың 1 қаңтарынан бастап 2010 жылғы 31 желтоқсанына дейінгі кезеңде туындаған қатынастарға қолданылады

ҚР Қаржы министрінің 2010.30.06. № 311 Бұйрығымен мәтіні бойынша «2010 жылдың 13 тамызына дейін» деген сөздер «2012 жылдың 1 қаңтарына дейін» деген сөздермен ауыстырылды, «2010 жылдың 13 тамызынан бастап» деген сөздер «2012 жылдың 1 қаңтарынан бастап» деген сөздермен ауыстырылды (бұр.ред.қара)

Жоғарғы қабаттағы көздерден су ресурстарын пайдаланғаны үшін төлемақы бойынша салық есептілігін (декларациясын) жасау
ережесі
(860.00-нысан)

(2010.30.06. берілген өзгерістермен)

1. Жалпы ережелер

1. Осы Ережелер Қазақстан Республикасының «Салық және бюджетке төленетін басқа да міндетті төлемдер туралы» Кодексіне (Салық кодексі) сәйкес әзірленген және жоғарғы қабаттағы көздерден су ресурстарын пайдаланғаны үшін төлемақыны есептеуге арналған осы Ережеге қосымшаға сәйкес жоғарғы қабаттағы көздерден су ресурстарын пайдаланғаны үшін төлемақы бойынша салық есептілігін (декларация) (бұдан әрі - Декларация) ағымдағы төлемдер сомасының есебін жасау тәртібін айқындайды. Декларацияны шаруа немесе фермер қожалықтарына арналған арнаулы салық режимін қолданатын салық төлеушілерді қоспағанда Салық кодексінің 485-бабында белгіленген төлемақы төлеушілер жасайды.

2. Декларация осы Декларацияның (860.00-нысан) өзінен және жоғарғы қабаттағы көздерден су ресурстарын пайдаланғаны үшін төлем алынатын объектілер туралы ақпаратты ашу бойынша оған қосымшадан (860.01-нысанынан) тұрады.

3. Декларация толтыру кезінде түзетуге, өшіруге және тазалауға жол берілмейді.

4. Көрсеткіштер болмаған кезде тиісті торкөздері толтырылмайды.