«Бишкек шаарындагы турак жай курулуш проблемасын чечүүгө жаңы мамилелери жана аларды практикалык ишке ашыруунун чаралары жөнүндө» Кыргыз Республикасынын Бишкек шаарынын мэриясынын коллегиясынын 2005-жылдын 24-июну № 6 токтому

Бишкек шаарындагы турак жай курулуш проблемасын чечүүгө жаңы мамилелери жана
аларды практикалык ишке ашыруунун чаралары жөнүндө
Кыргыз Республикасынын Бишкек шаарынын мэриясынын коллегиясынын 2005-жылдын 24-июну № 6 токтому

Кыргыз Республикасынын борбору-Бишкек шаары бүгүнкү күндө калктын турак жай аянты менен төмөн камсыз болгондугу менен гана эмес, көптөгөн жарды үйбүлөлөрдүн турак жй шарттарын жакшыртуу мүмкүнчүлүгү жоктугу, көптөгөн жарандардын орточо кирешелер менен экендиги сыяктуу турак жай кризисин башынан өткөрүп жатат.

турак жай проблемасы бирден-бир курч социалдык проблемалардан болуп калды. Бул үйбүлөнү, балалык укугун, калктын жарды тобун коргоону күчөтүүгө, экономиканын стабилдүүлүгүнө жана өндүрүштү жогорулатууга терс таасирин тийгизүүдө.

Каржылоонун жетиштүү булактарынын жоктугунан, курулуш баасынын дайыма кымбаттаганынан инвестициялык процесс төмөндөө абалында болуп жатат. Инфляция процесси кредиттик ресурстардын жеткистигине, ошондой эле узак мөөнөттүү кредиттерди берүүдө банк системасынын кызыкпагандыгына шарт койду.

Бишкек шаарында турак жай курулуш темпи кескин төмөндөдү. 1999-жылы жалпы аянты 276 миң кв.м. болгон 4,6 миң квартира, 2000-жылы 124 миң кв.м.га 1,2 миң квартира курулган болсо, 2004-жылы 89 миң кв.м.га 0,7 миң квартира курулуп, негизинен жеке үй куруулар ишке ашырылган (бул мезгилде көп кабаттуу үй куруу жалпы аянты 206 миң кв.м.дан 27 миң кв.м.га азайган).

Үй ичинде санитардык-техникалык жабдуу жана бекиткич арматуралар, тышкы жана аянттан тышкыркы инженердик тармактар жана турак имараттардын курулмалары канааттандырарлык эмес абалды болууда, азыркы убакта негизги фонддун 70%ы эскирип, кечиктирилгис ремонтко жана реконструкцияга муктаж болуп жатат.