«Қазақстан Республикасы Қаржы министрінің «Салық есептілігін жасау ережесін бекіту туралы» 2008 жылғы 25 желтоқсандағы № 611 және «Салық есептілігі нысандарын және оларды жасау Ережелерін бекіту туралы» 2009 жылғы 24 желтоқсандағы № 574 бұйрықтарына өзгерістер мен толықтырулар енгізу туралы» Қазақстан Республикасы Қаржы министрінің 2010 жылғы 26 ақпандағы № 89 бұйрығы (күші жойылды)

Қазақстан Республикасы Қаржы министрінің «Салық есептілігін жасау ережесін бекіту туралы» 2008 жылғы 25 желтоқсандағы № 611 және «Салық есептiлiгі нысандарын және оларды жасау Ережелерiн бекіту туралы» 2009 жылғы 24 желтоқсандағы № 574 бұйрықтарына өзгерістер мен толықтырулар енгізу туралы
Қазақстан Республикасы Қаржы министрінің 2010 жылғы 26 ақпандағы № 89 бұйрығы

ҚР Премьер-Министрінің Бірінші орынбасары - ҚР Қаржы министрінің 2019 жылғы 5 тамыздағы № 820 бұйрығымен күші жойылды

«Салық және бюджетке төленетін басқа да міндетті төлемдер туралы» Қазақстан Республикасының Кодексінің (Салық кодексі) 63-бабына сәйкес БҰЙЫРАМЫН:

1. «Салық есептілігін жасау ережесін бекіту туралы» Қазақстан Республикасы Қаржы министрінің 2008 жылғы 25 желтоқсандағы № 611 бұйрығына (Қазақстан Республикасының Нормативтік құқықтық актілерді мемлекеттік тіркеу тізілімінде № 5423 болып тіркелген, «Юридическая газета» газетінде 2008 жылғы 31 желтоқсанда № 197 (1597) жарияланған) мынадай өзгерістер мен толықтырулар енгізілсін:

көрсетілген бұйрықпен бекітілген Жеке табыс салығы және мүлік бойынша салық есептілігін (декларациясын) жасау ережесінде (230.00-нысан):

1) 23-тармақ мынадай редакцияда жазылсын:

«23. Осы қосымша меншік құқығындағы мүлікті мәлімдеуге арналған.

Егер осы бөліммен өзгеше көзделмесе, бастапқы Декларацияны тапсыратын тұлға Декларацияны тапсырған кезде Декларацияны табыс ету айының бірінші күніндегі жағдай бойынша 230.03.001 бастап 230.03.010 дейінгі жолдар толтырылады.

Кезекті Декларацияны тапсыратын тұлға Декларацияны тапсырған кезде есепті салық кезеңінің 31 желтоқсанындағы жағдай бойынша 230.03.002, 230.03.006, 230.03.007 жолдар толтырылады.»

2) 24-тармақта:

1) тармақшадағы «сәтінде» деген сөз «күнінде» деген сөзге ауыстырылсын;

2) тармақша «ақша» деген сөздің алдында «Декларацияны тапсыру кезінде қолда бар» деген сөздермен толықтырылсын;

4) тармақшадағы «есепті салық кезеңінен кейінгі айдың бірінші күніндегі жағдай бойынша» деген сөздер алып тасталсын;

8) тармақша «оның ішінде» деген сөздерден кейін «меншік құқығындағы бағалы қағаздардың» деген сөздермен толықтырылсын;