«1998-2002-жылдарда «Кайыңды-Кант» жана «Кошой» акционердик коомдорун менчиктештирүү жана алардын иш-аракети жөнүндө маселени иликтөө боюнча депутаттык комиссиянын ишинин жыйынтыктары тууралу» Кыргыз Республикасынын Жогорку Кеңешинин эл өкүлдөр жыйынынын 2003-жылдын 17-мартындагы № 668-II-14 токтому

1998-2002-жылдарда «Кайыңды-Кант» жана «Кошой» акционердик коомдорун менчиктештирүү жана алардын
иш-аракети жөнүндө маселени иликтөө боюнча депутаттык комиссиянын ишинин жыйынтыктары тууралу
Кыргыз Республикасынын Жогорку Кеңешинин эл өкүлдөр жыйынынын 2003-жылдын 17-мартындагы № 668-II-14 токтому

Кыргыз Республикасынын Жогорку Кеңешинин Эл өкүлдөр жыйыны токтом кылат:

1. 1998-2002-жылдарда «Кайыңды-Кант» жана «Кошой» акционердик коомдорун менчиктештирүү жана алардын иш-аракети жөнүндө маселени иликтөө боюнча депутаттык комиссиянын маалыматы эске алынсын.

2. Кыргыз Республикасынын Өкмөтү:

- «Кант» мамлекеттик программасын иштеп чыксын жана бекитсин, анда кант кызылчасын өндүрүүнү жана аны кайра иштетүүнү илимий, финансылык, технологиялык жактан камсыз кылуу боюнча комплекстүү чараларды алдын-ала карасын;

- кантты кайра иштетүүчү өнөр жай ишканалары үчүн бюджеттик төлөмдөрдү төлөп берүүнүн жаны мөөнөттөрүн 1-октябрдан кант кызылчасын кайра иштетүү сезону аяктаганга чейинки мезгилге белгилөө маселесин карасын;

- «Кайыңды-Кант» АКсын сатып алуу баасын төлөөнү өз убагында камсыз кылбагандыгы жана сатып алуучу болуп эсептелген жоопкерчилиги чектелген «Перидот-Анштальт» акционердик коомуна анын мөөнөтүн негизсиз узартып бергендиги үчүн Кыргыз Республикасынын мамлекеттик мүлктү башкаруу жана тике инвестицияларды тартуу боюнча мамлекеттик комитетинин жетекчилигинин жоопкерчилигин карасын;