«Ауыл шаруашылығы тауарын өндірушілерге берілген судын 1 (бір) текше метріне 2010 жылы бөлінетін субсидия мөлшерлерін бекіту туралы» Қазақстан Республикасы Ауыл шаруашылығы министрінің 2010 жылғы 15 ақпандағы № 98 бұйрығы

Ауыл шаруашылығы тауарын өндірушілерге берілген судын 1 (бір) текше метріне 2010 жылы бөлінетін субсидия
мөлшерлерін бекіту туралы
Қазақстан Республикасы Ауыл шаруашылығы министрінің 2010 жылғы 15 ақпандағы № 98 бұйрығы

Қазақстан Республикасы Үкіметінің 2010 жылғы 29 қаңтардағы № 38 қаулысымен бекітілген Ауыл шаруашылығы тауарын өндірушілерге су беру жөніндегі қызметтердің құнын субсидиялау Ережесінің 6-тармағына сәйкес БҰЙЫРАМЫН:

1. Табиғи монополиялар мен реттелетін нарықтар салаларындағы басшылықты жүзеге асыратын уәкілетті мемлекеттік орган бекіткен, су беру жөніндегі қызмет көрсетулерге тарифтік сметаларда ескерілген шығындарға пайыздық ара қатынаста су беру әдістерін және су пайдаланушылардың гидромелиоративтік жүйелер мен құрылыстарды, құрылғылар мен жабдықтарды қазіргі заманға лайық бірлесіп басқару әдістерін (ауылдық су пайдаланушылардың тұтыну кооперативтері (бұдан әрі - АСТК), гидромелиоративтік кондоминиумдар), суды есепке алудың прогрессивтік әдістерін енгізуді, оның нәтижелерін су бөлуде және нормаланған суаруда жедел пайдалануды, суармалы жерлердің мелиоративтік жай-күйінің сақталуын және жақсартуда суды үнемдеп жұмсауды қамтамасыз ететін суарудың озық технологияларын (тамшылап суару және басқа да суару әдістері) енгізуді, сондай-ақ тік дренаж ұңғымаларының тиімді жұмыс істеуін ынталандыру қажеттілігін ескере отырып, суару үшін нақты қолданылған:

механикалық су көтерусіз дағдылы жер бетімен суаруға:

АСТК-не біріктірілмеген ауыл шаруашылығы тауарын өндірушілерге суару суын беретін су берушілер үшін - 20% (жиырма пайыз) көлемінде;

АСТК-не біріктірілмеген және күріш егумен айналысатын ауыл шаруашылығы тауарын өндірушілерге суару суын беретін су берушілер үшін -25% (жиырма бес пайыз) көлемінде;

АСТК-не біріктірілген ауыл шаруашылығы тауарын өндірушілерге суару суын беретін су берушілер үшін - 40% (қырық пайыз) көлемінде;

АСТК-не біріктірілген және күріш егумен айналысатын ауыл шаруашылығы тауарын өндірушілерге суару суын беретін су берушілер үшін - 45% (қырық бес пайыз) көлемінде;