«Әуесқойлық балық аулауды жүзеге асыру және әуесқой балық аулау мерзімі үшін Марқакөл мемлекеттік табиғи қорығы аумағындағы Марқакөл көлінің арнайы бөлінген учаскелерінің тізбесін бекіту туралы» Қазақстан Республикасы Ауыл шаруашылығы министрлігінің Орман және аңшылық шаруашылығы комитетінің 2008 жылғы 24 шілдедегі № 205 бұйрығы

Әуесқойлық балық аулауды жүзеге асыру және әуесқой балық аулау мерзімі үшін Марқакөл мемлекеттік табиғи қорығы аумағындағы Марқакөл көлінің арнайы бөлінген учаскелерінің тізбесін бекіту туралы
Қазақстан Республикасы Ауыл шаруашылығы министрлігінің Орман және аңшылық шаруашылығы комитетінің
2008 жылғы 24 шілдедегі № 205 бұйрығы

«Ерекше қорғалатын табиғи аумақтар туралы» Қазақстан Республикасы Заңының 40-бабы 1-тармағының 6) тармақшасына және Қазақстан Республикасы Ауыл шаруашылығы министрлігінің Орман және аңшылық комитетінің 2007 жылғы 27 ақпандағы № 79 бұйрығымен бекітіліп, Қазақстан Республикасы Әділет министрлігінде 2007 жылы 25 наурызда № 4586 нөмірмен тіркелген «Мемлекеттік табиғи қорықтың күзет аймағында тұратын жергілікті халықтың мұқтаждығы үшін арнайы бөлінген учаскелерде рұқсат етілетін әуесқойлық балық аулау ережесінің» (бұдан әрі - Ереже) 3-тармағына сәйкес БҰЙЫРАМЫН:

1. Мыналар:

1) Күзет аймағында тұратын жергілікті халықтың мұқтаждығы үшін әуесқойлық балық аулауды жүзеге асыру үшін Марқакөл мемлекеттік табиғи қорығының аумағындағы Марқакөл көлінің арнайы бөлінген учаскелерінің тізбесі қосымшаға сәйкес;

2) Марқакөл мемлекеттік табиғи қорығы аумағындағы Марқакөл көлінің арнайы бөлінген учаскелерінде әуесқойлық балық аулау мерзімі, балықтардың уылдырық шашу кезеңінен басқа уақытта, 1 қаңтардан бастап 31 желтоқсанға дейін бекітілсін.

2. Марқакөл мемлекеттік табиғи қорығының директоры

(Е. Н. Әубәкіров) Ережеге сәйкес әуесқойлық балық аулауды ұйымдастыруды қамтамасыз етсін және Марқакөл көлінде әуесқойлық балық аулаудың өткізу бойынша жыл сайын 1 ақпанға есеп берсін.

3. Осы бұйрықтың орындалуына бақылау жасау Комитет төрағасының орынбасары Қ. Ш. Мұсабаевқа жүктелсін.