«Қазақстан Республикасы Ауыл шаруашылығы министрлігінің Жануарлар мен өсімдіктерді қорғау қызметін құру туралы» Қазақстан Республикасы Ауыл шаруашылығы министрінің 2010 жылғы 19 наурыздағы № 190 бұйрығы (күші жойылды)

Қазақстан Республикасы Ауыл шаруашылығы министрлігінің Жануарлар мен өсімдіктерді қорғау қызметін құру туралы
Қазақстан Республикасы Ауыл шаруашылығы министрінің 2010 жылғы 19 наурыздағы № 190 бұйрығы

ҚР Ауыл шаруашылығы министрінің 2011 жылғы 21 ақпандағы № 09-4/79 бұйрығымен күші жойылды

«Азаматтық қорғаныс пен төтенше жағдайлар республикалық қызметтерінің тізбесін бекіту және оларды құру туралы» Қазақстан Республикасы Үкіметінің 2003 жылғы 5 желтоқсандағы № 1237 қаулысын орындау үшін БҰЙЫРАМЫН:

1. Осы бұйрыққа қосымшаға сәйкес, мынадай құрамда Қазақстан Республикасы Ауыл шаруашылығы министрлігінің Жануарлар мен өсімдіктерді қорғау қызметі (бұдан әрі - Қызмет) құрылсын.

2. Жануарлар мен өсімдіктерді қорғау қызметі екі ай мерзімде «Республикалық Жануарлар мен өсімдіктерді қорғау қызметі туралы» Ережені әзірлесін және Қазақстан Республикасы Төтенше жағдайлар министрлігімен келіссін және оны заңнамада белгіленген тәртіппен бекітсін.

3. «Жануарлар мен өсімдіктерді қорғау қызметін құру туралы» Қазақстан Республикасы Ауыл шаруашылығы министрі міндетін атқарушысының 2004 жылғы 16 маусымдағы № 315 бұйрығының күші жойылды деп танылсын.

4. Осы бұйрыктың орындалуын бақылау Қазақстан Республикасы Ауыл шаруашылығы министрлігінің Жауапты хатшысы Евгений Иосифович Аманға жүктелсін.

5. Осы бұйрық қол қойылған күнінен бастап қолданысқа енгізіледі.

Қазақстан Республикасы

Ауыл шаруашылығы министрінің

2010 жылғы 19 наурыздағы