Кыргыз Республикасынын Өкмөтү жана Таджикистан Республикасынын Өкмөтүнүн ортосундагы эркин соода жөнүндөгү макулдашуу (Долбоор)

Долбоор

Кыргыз Республикасынын Өкмөтү жана Таджикистан Республикасынын Өкмөтүнүн
ортосундагы эркин соода жөнүндөгү макулдашуу

КР Өкмөтүнүн 2000.18.01. № 8-б буйругу менен жактырылган

Кыргыз Республикасынын Өкмөтү жана Таджикистан Республикасынын Өкмөтү, мындан ары Тараптар деп аталышып,

Таджикистан Республикасынын жана Кыргыз Республикасынын ортосундагы соода-экономикалык кызматташтыкты теңдик жана өз ара пайдалуулуктун негизинде өнүктүрүүгө умтулушуп,

КМШ мамлекеттеринин Башчыларынын Кеңешинин 1994-жылдын 15-апрелиндеги эркин сооданы түзүү жөнүндөгү Макулдашууну, ошондой эле 1999-жылы 26-февралдагы бир өңчөй экономикалык мейкиндик жана Бажы кошууну жөнүндөгү Келишимди жетекчиликке алышып,

дүйнөлүк сооданын гармониялык өсүшүнө жана өнүгүшүнө чечкиндүү жардамдашууну, анын өнүгүү жолундагы тоскоолдуктарды четтетүүнү билдиришип,

төмөндөгүлөр жөнүндө макулдашышты:

1-статья.

1. Башка Тараптын бажы аймагы үчүн дайындалган жана кайсы бир Тараптын аймагынан чыккан, экспорт жана импортко эквиваленттүү кыймылы бар товарлардан Тараптар бажы салыктарын алышпайт.

2. 1993-жылдын 24-сентябрындагы Көз Каранды эмес Шериктеш Мамлекеттеринин Өкмөттөрүнүн Башчыларынын Кеңешинин Чечими менен бекитилген, товарларды чыгарган өлкөнү аныктоонун Эрежелери менен аныкталган товарлар - бул Макулдашуунун максаттары үчүн түшүндүрүлөт.

2-статья.

Тараптар:

- үчүнчү өлкөлөрдөн чыккан, ички өндүрүштүн окшош товарларына салынуучу ылайыктуу салыктардан жана чогултуулардан ашырылып, бул Макулдашуунун кыймылы астына кирүүчү товарлардан түз же кыйыр салык алышпайт;

- бул Макулдашуунун кыймылы астындагы товарлардын экспорт же импортуна карата мындай учурларда үчүнчү өлкөлөрдөн чыккан ички өндүрүштүк окшош товарларга колдонулбаган кандайдыр-бир атайын чектерди жана талаптарды киргизишпейт;

- башка Тараптан чыккан товарларды чогултууга, жүктөөгө, сактоого, ташууга карата, ошондой эле төлөм эрежелерине мындай учурларда менчик же өлкөлөрдөн чыгарылган товарларга колдонула тургандан башкача эрежелерди колдонушпайт.

3-статья.