«Кыргыз Республикасынын Шайлоо жана референдум өткөрүү боюнча Борбордук комиссиясынын мүчөлөрүнүн ортосунда милдеттерди бөлүштүрүү жөнүндө» Кыргыз Республикасынын шайлоо жана референдум өткөрүү боюнча борбордук комиссиясынын 2003-жылдын 14-январындагы № 14 токтому (күчүн жоготкон)

Кыргыз Республикасынын Шайлоо жана референдум өткөрүү боюнча Борбордук комиссиясынын мүчөлөрүнүн
ортосунда милдеттерди бөлүштүрүү жөнүндө
Кыргыз Республикасынын шайлоо жана референдум өткөрүү боюнча борбордук комиссиясынын
2003-жылдын 14-январындагы № 14 токтому

КР Борборшайлоокомдун 2004-жылдын 2-мартындагы № 5 токтомуна ылайык күчүн жоготкон

Кыргыз Республикасынын Жогорку Кеңешинин Мыйзам чыгаруу жыйынынан (КР ЖК МЧЖнын 2002-жылдын 18-апрелиндеги № 715-11 токтому) жана Эл өкүлдөр жыйынынан (КР ЖК ЭӨЖнын 2002-жылдын 8-октябрындагы № 534-11-13 жана 2002-жылдын 8-октябрындагы № 537-11-13 токтомдору) Кыргыз Республикасынын Шайлоо жана референдум өткөрүү боюнча Борбордук комиссиясына жаңы мүчөлөрдүн шайланышына байланыштуу, «Кыргыз Республикасынын Шайлоо жана референдум өткөрүү боюнча Борбордук комиссиясы жөнүндөгү» Кыргыз Республикасынын Мыйзамына ылайык Кыргыз Республикасынын Шайлоо жана референдум өткөрүү боюнча Борбордук комиссиясы токтом кылат:

1. Кыргыз Республикасынын Шайлоо жана референдум өткөрүү боюнча Борбордук комиссиясынын мүчөлөрүнүн ортосунда милдеттер төмөнкүдөй тартипте бөлүштүрүлсүн.

Борбордук шайлоо комиссиясынын Төрагасы:

Борбордук шайлоо комиссиясынын ишине жалпы жетекчилик кылат жана «Шайлоо жана референдум өткөрүү боюнча борбордук комиссия жөнүндөгү» Мыйзамда, «Кыргыз Республикасындагы шайлоо жөнүндө» Кодексте, ошондой эле Кыргыз Республикасынын башка мыйзамдык актыларында каралган ыйгарым укуктарды ишке ашырат Борбордук шайлоо комиссиясынын Эл аралык уюмдар менен байланышын жүргүзөт.

Комиссия мүчөлөрү - Т.Д.Абдраимов, С.Б.Данияров:

Борбордук шайлоо комиссиясынын жергиликтүү кеңештер менен байланышын жүргүзөт, облустук жана Бишкек шаардык шайлоо комиссиялары менен биргелешип аракеттенүүнү ишке ашырат.

Шайлоо бюллетендерин даярдоого көмөк көрсөтөт.

Шайлоолорду уюштуруу жана өткөрүү маселелери боюнча Чүй облусун тейлейт.

Комиссиянын мүчөлөрү - Ж.А.Акматов, Ж.Б.Бапанова:

Борбордук шайлоо комиссиясынын саясий партиялар, коомдук бирикмелер жана өкмөттүк эмес уюмдар менен болгон байланышын жүргүзөт Борбордук шайлоо комиссиясынын коомдук кабылдамасынын ишин тейлейт.

Шайлоо бюллетендерин даярдоого көмөк көрсөтөт.