Пенсиялар учурдагы ай үчүн төлөнүүдө. Финансылык туруктуулукту камсыз кылуу, пенсияларды өз убагында төлөп берүү жана алардын өлчөмдөрүнжогорулатуу - социалдык фонддун негизги милдети

Пенсиялар учурдагы ай үчүн төлөнүүдө
 
Финансылык туруктуулукту камсыз кылуу, пенсияларды өз убагында төлөп берүү жана алардын өлчөмдөрүнжогорулатуу - социалдык фонддун негизги милдети

- Апрель окуяларынан кийин улуу муундагы адамдарды пенсия төлөө маселеси тынчсыздандырууда. Экономикалык абалдын туруксуздугунан улам пенсия төлөө үзгүлтүккө учурабайбы?

- Кыргыз Республикасынын «Мамлекеттик пенсиялык социалдык камсыздандыруу» мыйзамына ылайык, пенсиялар өткөн ай үчүн төлөнөт. Пенсионердин каалоосу боюнча анын пенсиясы банктагы же башка кредиттик уюмдардагы эсептерине которулат же болбосо жашаган жери боюнча почталык байланышы менен же Социалдык фонддун бөлүмдөрү тарабынан жеткирилет.

Кыргыз Республикасынын Социалдык фонду кирешени өз убагында жана толугу менен жыйноонун эсебинен акыркы жылдарда финансылык туруктуулукка жетише алды жана 2005-жылдан бери пенсиялар учурдагы ай үчүн төлөнүүдө.

Азыркы учурда камсыздандыруу фонддору өз убагында жана толугу менен каржыланууда. Апрель айында камсыздандыруу төгүмдөрүн жыйноо боюнча план аткарылды, 31-майга карата план 110%га аткарылып, республикалык бюджеттен каражаттар үзгүлтүксүз келип түшүүдө. Андан сырткары, пенсиялык системанын туруктуулугун камсыз кылуучу Социалдык фонддун жеке каражаттары да бар.

Пенсияны каржылоо графигине ылайык, ар айдын 10-числосуна чейин пенсиялардын 87%дан ашыгы каржыланат. Социалдык фонд мындан ары да пенсияларды каржылоонун ушул графигине карата иш алып барууну көздөйт.

ВАЛОРИЗАЦИЯ ЖОЛУ МЕНЕН ПЕНСИЯЛАРДЫ ЖОГОРУЛАТУУ ВАРИАНТЫ КАРАЛУУДА

- Пенсияларды жогорулатуу каралуудабы? Мурдагы өкмөт пенсионерлерге мамлекеттик пособиелерди бир канча жолу жогорулаткан, бирок бул кошумчалар аябай эле аз өлчөмдө болгон. Эгерде, пенсияны жогорулатуу каралып жаткан болсо, ал жогорулатуу олуттуу болобу?

- 2010-жылдын биринчи жарым жылдыгында пенсияларды жогорулатуу эки этап менен жүргүзүлдү:

2010-жылдын 1-январынан тартып 4000 сомго чейинки пенсияларга 200 сом өлчөмүндөгү электр энергиясы үчүн компенсациялык төлөмдөр белгиленген жана 2000 сомго жетпеген пенсияларга мурда төлөнүүчү дифференцияланган компенсациянын өлчөмдөрү сакталган. Электр энергиясы үчүн компенсациялык төлөмдөргө муктаждык республикалык бюджеттин эсебинен 1727,4 млн. сомду түзөт.