«Қазақстан Республикасы аумағын ұйымдастырудың бас сұлбасын әзірлеу жөніндегі ұсынымдар» ҚР ҚБҚ 3.01-02-2008 (күші жойылды)

Қазақстан Республикасы аумағын ұйымдастырудың бас сұлбасын әзірлеу жөніндегі ұсынымдар
 
ҚР ҚБҚ 3.01-02-2008

ҚР Өңірлік даму министрлігінің Кұрылыс және тұрғын үй-коммуналдық шаруашылық істері комитетінің 2013 жылғы 12 желтоқсандағы № 371-НҚ бұйрығымен күші жойылды

Мазмұны

Кіріспе

1 Қолдану саласы

2 Терминдер мен анықтамалар

3 Қазақстан Республикасы аумағын ұйымдастырудың бас сұлбасын әзірлеудің әдістемелік негіздері

4 Бас сұлбаны әзірлеудің бастапқы кезеңі

5 Қазақстан Республикасы аумағын ұйымдастырудың бас сұлбасының міндеттері мен мақсаттары

6 Бас сұлбаны әзірлеу, келісу және бекіту тәртібі мен негізгі кезеңдері

7 Бас сұлбаның құрылымы

8 Соңғы ережелер

1-қосымша (ұсынылатын) Қазақстан Республикасы аумағын ұйымдастырудың бас сұлбасы жобаларының тақырыптық карталардың тізбесі

2-қосымша (міндетті) Бас сұлбаны әзірлеу мен іске асыруға қатысушылардың арасындағы міндеттерді салааралық тарату

Библиография

Кіріспе

Осы нормативтік құжат «2008 жылға арналған «Сәулет, қала құрылысы және құрылыс қызметі саласындағы нормативтік-техникалық құжаттарды жетілдіру» 014 республикалық, бюджеттік бағдарламасы 2008 жылға арналған «Сәулет, қала құрылысы және құрылыс қызметі саласындағы нормативтік-техникалық, құжаттарды жетілдіру» 014 республикалық бюджеттік бағдарламасы шеңберінде әзірленеді.

Мемлекеттік нормативті әзірлеу елдің тұрақты, серпінді және теңдестірілген әлеуметтік-экономикалық дамуына жетуді, өңірлік және әлемдік экономикада бәсекеге қабілетті мамандануды қалыптастыруды қамтамасыз ететін бас сұлбаны әзірлеу кезінде ұсынылатын ғылыми негізделген әдістемелерді жасау мақсатында іске асырылған.

Қазақстан Республикасы аумағын ұйымдастырудың бас сұлбасын әзірлеу жөніндегі ұсынымдар (бұдан әрі - ұсынымдар) бас сұлбаның келесі негізгі міндеттерін шешуге арналған теориялық негізін жасайды:

- болашақтағы қажеттіліктерді негіздеу және аумақтарды пайдаланудың басым бағыттарын анықтау;