(БҰРЫНҒЫ РЕДАКЦИЯ) ҚР ҚАРЖЫ МИНИСТРІНІҢ 2009.24.12 № 574 БҰЙРЫҒЫМЕН ...

Қазақстан Республикасы Қаржы министрінің

2009 жылғы 24 желтоқсандағы

№ 574 Бұйрығымен

бекітілген

Сақтандыру, қайта сақтандыру

ұйымдарын, банктік қызметті,

лицензия негізінде кейбір банктік

операцияларды, зейнетақы

жарналарын тарту және зейнетақыны

төлеу жөніндегі қызметті, сондай-ақ

зейнетақы активтерін инвестициялық

басқару жөніндегі қызметті жүзеге

асыратын заңды тұлғаларды қоспағанда,

мониторингке жататын ірі салық

төлеушілер үшін салық есептілігіне

(1.1-1.7 нысандары) қосымша

Осы редакция 2010 жылғы 30 маусымда енгізілген өзгерістеріне дейін қолданылды

Сақтандыру, қайта сақтандыру ұйымдарын, банктік қызметті, лицензия негізінде кейбір банктік операцияларды, зейнетақы жарналарын тарту және зейнетақыны төлеу жөніндегі қызметті, сондай-ақ зейнетақы активтерін инвестициялық басқару жөніндегі қызметті жүзеге асыратын заңды тұлғаларды қоспағанда, мониторингке жататын ірі салық төлеушілердің салық есептілігін жасау және табыс ету ережелері

1. Жалпы ережелер

1. Осы Ережелер «Салық және бюджетке төленетін басқа да міндетті төлемдер туралы» Қазақстан Республикасының Кодексіне (бұдан әрі - Салық кодексі) сәйкес әзірленген және сақтандыру, қайта сақтандыру ұйымдарын, банктік қызметті, лицензия негізінде кейбір банктік операцияларды, зейнетақы жарналарын тарту және зейнетақыны төлеу жөніндегі қызметті, сондай-ақ зейнетақы активтерін инвестициялық басқару жөніндегі қызметті жүзеге асыратын заңды тұлғаларды қоспағанда, мониторингке жататын ірі салық төлеушілердің салық есептілігін жасау және табыс ету тәртібін көздейді.

2. Ірі салық төлеушілер мониторингі (бұдан әрі - салық төлеушілер) салық төлеушілердің нақты салық салынатын базасын айқындау мақсатында олардың қаржы-шаруашылық қызметін талдау, Қазақстан Республикасының салық заңнамасын және трансферттік баға белгілеу кезінде бақылауды жүзеге асыру мақсатында нарықтық бағаларды қолдануды сақтауларын бақылау жолымен жүзеге асырылады.