«Кыргыз Республикасынын Өкмөтүнүн кепилдиги менен алынган тышкы зайымдарды контролдоо жана каржылоонун салыктык эмес булактарын пайдалануу боюнча Кыргыз Республикасынын Жогорку Кеңешинин Мыйзам чыгаруу жыйынынын комиссиясын түзүү жөнүндө» Кыргыз Республикасынын Жогорку Кеңешинин мыйзам чыгаруу жыйынынын 2001-жылдын 29-июнундагы № 429-II токтому (күчүн жоготкон)

Кыргыз Республикасынын Өкмөтүнүн кепилдиги менен алынган тышкы зайымдарды контролдоо жана каржылоонун салыктык эмес булактарын пайдалануу боюнча Кыргыз Республикасынын Жогорку Кеңешинин Мыйзам чыгаруу
жыйынынын комиссиясын түзүү жөнүндө
Кыргыз Республикасынын Жогорку Кеңешинин мыйзам чыгаруу жыйынынын 2001-жылдын 29-июнундагы № 429-II токтому

КР Жогорку Кеңешинин мыйзам чыгаруу жыйынынын 2002-жылдын 8-февралындагы З № 599-II токтомуна ылайык күчүн жоготту

Кыргыз Республикасынын экономикасындагы кризис АКШнын дээрлик 1,8 млрд. долларына же ИДПнын 130 пайызына жеткен эбегейсиз зор карызы менен жетээр жерине жетип олтурат, бул өлкөнүн экономикалык коопсуздугунан алып караганда жол бериле турган деңгээлден алда канча жогору. Мунун өзү мамлекеттик бийлик органдарынын эл аралык финансылык уюмдар, ошондой эле донор өлкөлөр тарабынан берилген көп миллиондогон кредиттердин жана гранттардын натыйжалуу пайдаланылышына начар контроль жүргүзгөнүнүн натыйжасы болуп саналат. Тышкы зайымдардын өтө эле жеңилдик берген шарттары биздин Өкмөттү магдыратып, ал өзүнүн кепилдиги менен алынган зор финансылык каражаттарды министрликтер менен ведомстволорго, ошондой эле ар кандай жеке менчик уюмдардын колуна салып берген. Азыр эми мамлекет бюджеттин тартыш каражаттарынын эсебинен натыйжасыз пайдалануунун, ал эми көпчүлүк учурда кредиттерди алуучулардын түздөн-түз уурдоосунун натыйжасында келип чыккан бул карыздарды төлөөгө аргасыз болуп олтурат.